Popular Bible Verses from Хэбзэ тхыжьыгъэр 1

Share

Шъуи Зиусхьанэу Тхьэр шъуапэ итэу макӀо. Шъулъэгъузэ, Мысырым зэрэщишӀагъэм фэдэу, шъощ пае Ар зэощт. Шъоф нэкӀыми ар щишӀагъ, гъогум шъутетэу мыщ шъукъэсыфэ тыр ишъао зэрэфыщытыным фэдэу, шъуи Зиусхьанэу Тхьэм шъукъызэрэрихьакӀыгъэр шъори шъулъэгъугъэба“.

Зиусхьанэу, шъуятэжъмэ я Тхьэ, джы шъузэрэхъурэм фэдэ минкӀэ шъуерэгъэбагъу, шъукъызэригъэгугъагъэуи ынэшӀу къышъущерэф!

«Ти Зиусхьанэу Тхьэм Синай къушъхьэм къыщытиӀогъагъ: „Мы къушъхьэм дэжь шъузэрэщысыгъэр икъущт.

Шъугу ишъуубыт Сэ а чӀыгур къызэрэшъостырэр. ШъукӀуи, шъуятэжъхэу Ибрахьимэ, Исхьакъ, Якъубэ, ахэм къахэкӀыгъэхэми къястынэу гущыӀэ пытэ зыфэсшӀыгъэ чӀыгур шъуиунэенэу шъуубыты“».

Хьыкум шъушӀы зыхъукӀэ темыфэу зыгорэми шъудемыӀ. ЛъэкӀ зиӀэми цӀыф къызэрыкӀоми къаӀорэм шъуедэӀу. Хьыкумыр Тхьэм фэгъэзагъэшъ, хэти шъущымыщын. ЗыгорэкӀэ Ӏофым изэхэфын шъоркӀэ къинэу щытмэ, садэжь шъукъакӀуи сэ ащ сыхэплъэщт“.