Popular Bible Verses from Cibraan 13

Share

“Caduruh ku mixaba, ku mathlime” yerhxeh yanemhi sabbatah, sinni aniina solaadit kaxanooko dhawudhdheenih, litiinimih xedeneenit tika.

Yeesus Masiix kumal, kaafa kee umman gedih lem kinni.

Amaydo, fidbeelih lel tahe narhxo dhicna: “Maddari yi xateena kinni; Anu mashshiito makiyo; xiyawti ayim yok abo dhiica?”

Mecaani abaanam kee litiinim garoolih xazitaanam mibaddaahishina, amaa gina-le sadaqhaq lel Yalla xedenishsham kinamhi sabbatah kinni.

Amaydo, Yallah Yeesus araxah xamdet sadaqha dhuguuguluh akah bahnoo, amayim lel kaa migac cawwatoyshita ni wagubhi fire kinni.

Waasibo ummanille xishma geytoo, Yalli uma-xibarlit kee yazniye mara yafrado kinamhi sabbatah, waasibot carat xalaaleh yandhabbarhoo.

Gerha kabbaataanam mibiyashshiitina, amayim lel amaa ginah sorhak malaykut gerha balih kabbaate mari yaniinimhi sabbatah kinni.

Tamaa salaam Yalli, umman geedit cahdehi biiloh, ciidot naba loyna kin ni Maddara Yeesus rabaako uguseya, Yeesus Masiix araxah kayyadde basak-arhxinnannim nottadde abak, atin kaa farhi abtoona ciloh, umbuka mecaanih sin yaskataw. Umman gedda kee umman gedih lel nabne kayyah takkoo. Amin.