Popular Bible Verses from Efesos 4

Share

Yalli Masiix araxah sinalle akah xabeekah, sinne-sinneh mece mara, naxrurta-le mara tekkiinih, sittiyalle xabanta.

Tayim lel umbuka amnonobbi wayto kee mece-mariinoolih, curtayyoolih kaxanodde sittiya dhiica mara takkiinih abanta.

Sin afufko uma waani awce waytooki, tamaa yaabbe marah nicma taxayeh, amaa waqhtedde akah farhshiisha ginah xiyaa carishsha waani waanishanta.

Umbuka cur-tarhxem kee xurtaame kee kura kee andhax kee dhaw, kee waato, umbuka umaaniilih sinneeko asac-ishanta.

Kurraanta, laakin zambedde misayna; kuradde anitin ayro sinak antabe waytoo. Ibliisih lel caashir akah maaxayna.

tamaa basoh akah marak tinin, uma araxalle xiyaa beyta farhih masxite sinni nabse asac-ishanta. Ufayeh lel sinni niya tuscussubiinih, Yallih misleh rummaahit xaqqe kee anqaddasah yunkhulluqhe cusub nabse saritanta.

Tamaa Ufayi inkiino lel salaam madhdhuwah tibbirhiinih dhawudhdhoona xawalanta.

Usuk garoh fartottit, nobowa, mece warroyishsham, kaniisat zan abtam, garoh lel mudarrisiin muttuxuwa akah yoxoye. Amayim lel, tamaa yinqiddise mari yikkitiinyaako sinni khidma abeenih Masiix nabse carishoona ciloh kinni. Nanu lel inkoh imaanah tiya nekkeh, Yallih Barha neerhegeh hamme-le labha nekkeyaako, Masiix migehi qiyaas gufnandah kinni.

Amayim lel, xiyaw siixo kee cijaajinnat araxah doolabimneh, geyinnan mazhabhi xaaxattah, irro balih tuula tawlal goomadhdheh duffuume malino. Amayim akkekkah, tamaa kaxanodde rumma waanishneh, ummanimih, kayyadde, tamaa amo kin Masiixidde carsimno nolle tane.