Popular Bible Verses from 1 Timoteyos 2

Share

Yalli inketta kinni. Xiyaw kee Yallih fanadde lel inki fantiti yane, amaati lel xiyawto kin Yeesus Masiix kinni. Usuk umman tiyahi beezza yekkeh ishe yoxoye. Tayim lel amaa fadhdhishima waqhtedde tomxoye shahaada kinni.

Ummanimko basolle, amaydo, dhaaco, salaat, garoh tillaabaanam kee xamde yaddabbiinim, umbuka xiyawhi idhdhadde tillaabaanam, nuguusa kee inkoh tamaa naba carurudde yane marahi idhdhadde abtoona sin dhaacimak aniyo. Tayim lel maaxiyo kee sukuun le aniinah, Yallih mashshi kee xishma le xibarah marno ciloh kinni.

Amaydo, labha kura kee zagaxaako mirix-yerhxiinih umman makaanolle, quddus kin sinni gabub xaf-ishak dhaaco abaanam farha. Saymari gantah amayim balih, dagar carhiteenih, dahabah hido luul hido naba limoh dhammiime saradde hammite wayoonaaki, xiyaawinna kee adabe-le xibarah saritoona alle tane. Usun laakin mece abittot leh, Yallih mashshi tabbirhe sayyohi xibarah saritoonaa.