Popular Bible Verses from Efesios 4

Share

Morabi te aven lache ta postene iek averea, ta maskar tumende prostin tumen gia sar o Del prostisarda tumen ando Kristo.

Te aven proste ta lache ta te terpin iek avere volimaia

Na ppenen brusne alava, mai sukar ppenen ezgode lache te sai bariaven o pachape averengo.

Muken o tristope, na joliaon na urkin ta na kusen averen, ta muken o bilachipe.

Te joliaona, na cheren o bilachipe; tumari joli te na avel pe tumende sorro llive. Na den ttan e llavolo.

A cheres sar zivina omanglal, chuden tumendar gua purano manus kai murisailo pala pe bilache mislura. Morabi te aven neve ando duo tumare mislura ta te furiadon katar o nevo manus cherdo prema o Del te achardol kai tumaro zivoto si Devlikano ta kai llan pala o chachipe.

Trudin tumen te aven ande iek ttan cheres e pas kai chidel saurren tumen o Santo Duo

Ta isto vou si kai dia nesave llenen te aven apostolura, averen te aven poraukura, averen te ppenen e lachi viasta, ta averen te aven chobanura, averen te aven gola kai sikaven. Gia lacharda e llenen katar o foro santo te cheren iek buchi te sai bariaven e kkanlliri e Kristoki lligo ni ka resa saurre te ava ande iek ttan ando pachape ta te llana katar o Chavo e Devleko, te ava llene gotove gia sar si o Kristo.

Ta ni ka ava sargo minone kai but oma pparruven po mislo ta kai pala varesavi orba muken te kojaven len e llene llangle kai si pperde kojaipe. Goleke morabi ando volipe te ppena o chachipe, ta te bariva karing o Kristo kai si o soro e esnagako.