Popular Bible Verses from Efesios 5

Share

Tumen sen chave e Devleke ta vou volil tumen, goleke morabi te aven prema lete. Morabi te volin saurren isto gia sar o Kristo volisarda amen ta diape pala amende te merel, sargo so si dino, sargo kurbano kai kkandel sukar e Devleke.

Goleke, arakken tumen ta na zivin dilimaia, soke sar morabi te zivin si bizaimaia. Ttoven sama so cheren, soke gala llivesa si bilache.

Na maton, soke e mol inllarel kai o bilachipe; mai sukar pperdon katar o Santo Duo. Kana ka chidiniaon, llilaben salmura ta llilia duoke, llilaben ta blagosin sa tumare liea e Gazda. Den fala suako llive e Devle ta Dad pala suako ezgoda ando anau katar amaro Gazda o Jesukristo.

Na cheren e ezgode dilimaia; morabi te acharen savi si e volia e Gazdaki.

Romalen, volin tumare romien gia sar o Kristo volisarda e kkanllira ta dia po zivoto pala la.

Tumen omanglal zivina ando truñariko, a akana kai sen e Gazdake zivin ando villelo, goleke morabi te zivin sargo llene kai si e villeloke

Den liubao iek avere, cherenle pala o Jesukristo.

E romia morabi te den liubao pe romen sargo e Gazda.

Goleke suako lleno tumendar morabi te volil pe romia sargo isto vou pe, ta suako romi morabi te del liubao pe rome.

Gia ppenel so si pisime: “Goleke, o manus ka mukel pe dade ta pe da, te sai avel ande iek ttan pe romiaia, ta e dui ka aven sargo iek mas.”

Na ttoven tumen ande iek ttan e llenenchar kai cheren o bilachipe ta kai si katar o truñariko; mai sukar ttoven o truñariko ando villelo.