Popular Bible Verses from 1 Juan 4

Share

Ando volipe inai dar. O volipe cherel te duriol o dar. A te daral fiko kai o Del ka del le patnia, gua si kai ni sikilo te volil de istina.

Chavalen, tumen sen e Devleke ta dobisarden gole poraukonen kojamne, soke o gua kai si ande tumende si mai baro neko o llavolo.

Amen voli soke vou volisarda amen mai anglal.

Pplalalen, si te voli amen soke o volipe avel e Devletar. Suako lleno kai volil si chavo e Devleko ta pinllarel e Devle.

A gua kai ni volil ni pinllarel e Devle soke o Del si volipe.

Leko volipe si inai kai amen volisardam e Devle; o volipe si kai vou volisarda amen ta bichalda pe Chave ta cheres lete amaro bilachipe achel prostime.

Pplalalen, te volisarda amen gia o Del, amen morabi te voli amen maskar amende.

O Del sikada amenge po volipe kana bichalda pe Chave o edino, te sai amen zivi cheres lete.

Suako lleno kai ppenel: “Me voliu e Devle” ta murzil pe po pplal, vou si kojamno. Soke te na volila pe pplale kai dikkel le, sar ka volil e Devle kai nasti dikkel le.

Suako lleno kai ppenel kai o Jesus si e Devleko Chavo, o Del achel lea a vou e Devlea.

O Jesukristo dia amen gala alava: ko volil e Devle morabi te volil i pe pplale.

Pplalalen, na pachan tumen ande suako duo, goleke tumen morabi te dikken dal gala duura si e Devleke o iok; soke but poraukura kojamne likiste ando sueto. Gia sai ka llanen ko de istina si le e Devleko Duo: Suako duo kai ppenel kai o Jesukristo avilo sargo manus, gua si e Devleko

o duo kai ppenel kai o Jesukristo ni avilo sargo manus, inai e Devleko; gua si o duo katar o antikristo kai tumen llanen kai si te avel, a vou si ando sueto.