Popular Bible Verses from HEBRE 13

Share

Nanu" da" kangso' gyung: khyoo: moo ngei ri myono, vhoo: bo jang" moo abo cang loo" loo: za: te: yo" gu: yo' nheig deug nyid gi bye- Khasu" wim gari Mangsoo gi " Ngoo nang ri khanham we' ato" pyam' ashe: pyam wa ga: tid nyid.

Yesu Khristu gi anyi nab, akhid" nyid"- thang: phyang" apyaid atoo: moo we' - dakhyoo" ti" danyid nyid.

Houg: su" nghoid nyid yoomo " Hau" Aseing: gi ngoori pang" thoug su: nghoid, ngoo ce" ja" ri we' gyoug aca"- ngoori hang" ciyo" koid wa lha". ein: wigi nheigloem: kyung: kyung: ngoonu" tid nyid boem shang.

Ge, da" moozoo" moo nanu" nyang: cang" nyang: pang" thoug goo" wa da" khyoo: ri ato" myhed pyam goo. Khasu" wim gari houg: yhang: te" da" xoin" gi Mangsoo vho: ngei nyid xoin" nghoid.

Houg: su" nghoid yoomo ngoonu" gi nyang: ri ngoonu" da" Aseing: nghoid ein: yhen: yu da' nhoid joem yo' jeju" ri coung" byid: da" ngoonu" xoin" joem ri ASEING Yesu khyo" wigi Mangso jhang khyoo: khanham we' dangei" byid: nyid boem shang.

Lo, xo' khyoo: rigi byu dangain" mo, phau" myang: coung" nghei byid: nyid boem yoomo yhoem: seing: phoo yhoem: seing: myhi' gi dayug yo' dayug- zed" lhed' nyid boem ca"- Mangsoo gi akyang" byo, yoin" lho: myi: lhoid' lang lhoid bang: ri Tarha" dang: phyed loo wa zi nghoid.

Nanu" da" yhoem: mo being" voo ri lhoem: kham: yu lho: byid: zhoo" byid: jhug wa ziri ato" myid' goo". Houg: su" byid: zhoo" byid: jhug mo, gi aboin: aso" zi moug: lagyoo: yi ri shau" doo" zho" kaid boem bye.

Nya: kangso' ri xoin" to' pyam' lho: shid: kham: ziyo' apyaid atoo: moo dang: theing go" to" da' dazig ri thung" bye: yoomo Yang phung: yi da" yang lhug zoug: moo" ein: da" ngoonu" da" ASEING Yesu ri Mangsoo gi shid: jang" mo doem dei to' loo nhang: bye. Nanu" gi nyang: myid vho: khyoo: ri yo" cang dei: loo" wa shid mo nanu" moo ca" nyid da" khyoo: khaid khang" moo" ri-ngei pyo: Aseing: Mangsoo gi nanu" ri joeb, byeung" loo nhang: baja"- Aseing: gi nyang: myid vho: ziyo' dakhyoo" ti"- Khristu da" gang mo nanu" ri joeb, byeung" loo nhang: loo nhang: bye. Yesu Khristu moo myonhoo: phung" yoeb, gi apyaid atoo: dajo, jo, baja" o".