Popular Bible Verses from HEBRE 12

Share

Akhid" ngoonu" da" shid re" hid: myho, da" sagsi: joem gi ngoonu" ri jhoem: moug" su" thoem" lhoung too" bye. Houg: su" nghoid yoomo ngoonu" gi khyoo: moo lhu: phyo' lhu: keug lang" wa zi ja khang" moo" ri we' ngoonu" moo gye" geing: sho' kyen, dab, jo, da" yooboo joem ri we' shoem" shoung: pyam lho: ngoonu" gei, yhe: loo" wa soin' nyheung to" da" bain: zeing moo ju" sho' yoem: kaid' thoug shang" lho: gei, ju" lo" boem shang. Ngoonu" da" loem" jeung" khyoo: ri Apoem: mo aphyoo" thang loo" sho' joeb, byeung" nhang: su:- Yesu Khristu ri yu" zhug too" shang. Aseing: gi nyang: kham: yu wa nghoid da" hau: gau yi, ngei bu: khyoo: yoomo hau: pyang" zeing moo kham, shid: khyoo: ri asho' agyug loo za: kham: yu lho: akhid" Mangso lo, yo shoid mo zhung: tang moo lo" zhoung: jo, bye.

Ngoonu" ri jhau" mho' zi thoung" shau" nyid uri gau yi cang ci: aboo- houg: su" jhau" mho' zi thoung" shau" nyid da" uri koug shu: ja: ti" nghoid loug we' hau: zigi thang: phyang: bidnyid ri houg: su" jhau" mho' akyu" ri shau" kham: yu yoomo tarha" cang yhe: da" byu yi bue" lo ziyo' deingmain" khyo" kang: so' dei aphoug" ein: da" ngei pyo: khyoo: ri yo" yu nhang: nyid.

Byu yug khang" moo" yo' ngei pyoo: tung" za: yo" zoem" khau: nyid sho' we' gyeungshang: da" kangso' dei khyoo: moo ju" loo" sho' we' cang sho: yoem: kaid nyid ge'. Khasu" wim gari hau: ja" jeju" yoem: vhoo" abo nghoid rigi hang" we' hau" Aseing: ri shau" myang wa zi anghoid.

Yooboo yoo" mo, wigi atho' tid loo: sho' koid da" anoug angei khyoo: ri hau: Aseing: gi khayhi' gyeing" kham' zoo: bye: da" khyoo: ri nanu" bo myid yu" ge'. Houg: su" nghoid yoomo nanu" moo nheigloem: byo, yoin" gyoeb, gyo" khyoo: aboo goo" baja".

Houg: su" nghoid yoomo nanu" yo" yu da" mungdain gi adei aloeb, da" mungdain nghoid wigi ngoonu" Mangsoo ri coung" nghei nyid boem shang. Nyang: rijeju" boin: lho: gyoug phau" myang: da" e" myed yo' Aseing: vho: ngei wa khyo" Mangsoo ri loem, khau: noku nyid boem shang o".

Nanu" thoung" shau" nyid kyi" khyeug jam, jau khyoo: joem ri Nya: pho, jhoug" myeing" nghoid ein: khyo" wigi kham, zeung: nyid ge'- nanu" thoung" shau" nyid da" khyi" khyeig jamjau khyoo: joem gi nanu" ri Mangsoo gi nya: zoo: yi nghoid ga: soin: too" bye: ziri toin" shid' nyid. Nya: phoo ajhau" yu" da" nya: zoo: gi khayoo: nyid yu" lha".

Khasu" wim gari Yha" da" Mangsoo gi nghe, shoin, pyam' se' da" myi: nghoid nyid.

Xang: su: nya: pho, gi nyhang" ri dayo, daboin: za: nyangnu" gi, eung: ga: shau" myid boem ziyo' dakhyoo" ti"- jhau" mho' loo se' boem. Nghoid loug we' Mangsoo koem gi ngoonu" ge loo wa shid re" nyang: yhang: ti" young" gyeungshang: loo goo" baja" ga- ngoonu" ri jhau" mhoo, byid: nyid zi nghoid.

Nanu" gi yooboo yo' thoung" shau" zain: go" khyoo: moo akhid" nyang: said' pyam wa da" Laki, moo ju" sho' alhoem: theung shang" zain: yu" boem shi.