Popular Bible Verses from HEBRE 11

Share

Loem" jeung" khyoo: ein: zigi ngoonu" nheig byu to" da" zi joem ri gyeing" nyang: bue" loo wa" ein: da" khyoo: ri nheig shid: nheig deug nyid ziyo' amyang yu" shi" da" zi joem ri gyeing" nyang: jo, bye" ein: se' gyo: loem" yu khyoo: ri loem" jeung" khyoo: ga: zi nghoid. Goo" nham mo da" byu yi gi nyangnu" gi loem" jeung" da" nheigloem: bo boem yoo mo Mangsoo myed vhoo: myed ngei lho: joo bye: ga: da" khyoo: ri yo" yu boem bye.

Loem" jeung" zi abo nghoid rigi hang" we' Mangsoo vho: ngei zi ayo" bui. Khasu" wim gari Mangso jhang khyoo: yu: vang loo" mo, hang" we' Mangsoo nyid nyid ziyo' nyang: ri cang shoo: bang: ri jeju" toug" byid: nyid ein: da" khyoo: ri yo" loem" jeing" su: nghoid wa zi nghoid.

Amyang yu" shi" da" zi joem mo myang yu" bye: da" zi joem bue" loo wa shid re" Mangso mungdang: yo' he: da" jo, moo jo, ri phain" too" bye" khyoo: rinyang: nu" gi yo" se' yu boem bye: zigi hau: loem" jeung" da" nheigloem: yoomo nghoid nyid.

Abraham gi Mangsoo nyang: ri byid: wa"- ga: da" dang: soo" bo nyid da" mung" khyoo:- thu' yhe: loo" wa da" shid re" loem" jeung" nheigloem: gi nyang: ri tam" gyoo: nhang: nyid. Houg: yoomo nyang: gi khakhyoo: yhe: loo" wa zi lang" ase' zi nya: mungdain: mo wigi thu' so" loo" bye. Mangsoo dang: soo" byid: to" da" mung" khyoo:- nyang: gi being" voo, yhang: ti" yhe: nyid yen". Nyang: gi Mangso jang" mo, nyang: yhang: te" dang: soo" khoin" da" agyid asoo: ri yo" coem, kham: yu da" Isag yo' Yaku, yhang: ti" - pain" zoem" khoug joem moo loung" jo.

Ju" loo wa da" ayo, moo bue" loo wa da" amyang yu" shi" da" zi joem yo' sen: lho: wigi Mangsoo tid poin" nyid ziri No- a shau" gyo: zigi nyang: loem" jeung" nyid yoomo nghoid. Nyang: gi Mangso dang: ri tam" gyo: wigi Sang phoo lhid' daloem: ri zhug lho: nya: yhoem: ikoin deungkhu: ri yo" khyoid yu abye:. Hougsu" nghoid yoomo mougmyid ri nyang: dang: phyed' wigi No-a gi loem" jeung" khyoo: yo' sen: da" deingmain" da" agyid asoo: riyo" kham: yu abye:.

Loem" jeing" yoomo Enug gi ashid: loo: za: Mangso wigi shu" to' yu ziri shau" abye:. Houg: yoomo nyang: ri hang" we' amyang loo- Mangso wigi shu" to' yu zi ashug" shi" da" uri Enug gi Mangsoo vho: ngei nyid su: nghoid, ga: wigi jhoem: mungdang: moo bo nyid.

Loem" jeung" da" nheigloem: yo' Abela gi Ka-in tho' moo je" ge da" xoin" ri ngei" byid: bye. Nyang: loem" jeung" khyoo: ri yu" yu" lho: nyang: ri deing byeung" da" byu- ga: wigi Mangsoo lhoem: kham: yu byid: abye:. Khasu" wim gari nyang: to' byid: da" xoin ri Mangsoo nyang: vho: ngei nyid yoomo nghoid- Abela gi shid: byug bye: nghoid loug we' loem" jeung" khyoo: yoomo akhid" nyid ju" sho' nyang: gi dang: da tid nyid ashi.

Abraham gi gye" mang: hau: loo" bye- Sa: ra nyang: we' apyaid bain' lid loo" bye: yoomo zoo: age yoo" loo. Nghoid loug we' Abraham da" loem" jeung" nheigloem: yoomo zoonu" nya: ba" doem, yo" bue" loo bye. Mangsoo gi Nya: dang: soo" khoin" byid: to" ziyo' dakhyoo" ti"- kyed' da" Aseing: nghoid nyid ziri Abraham gi loem, khau: nyid.

Khasu" wim gari Abraham gi Mangso wigi akhyoo" toin" shid lho: geung: teung da" apoem: ayang: yo' bain' zhoug too" bye: da" voogung ri nyang: gi nheig byu lho: dalang" nyid.

Hau" Moshe gyi: loo lang" gi Phara, u myi: yi: zo: da" nya: zoo: ein: wa ziri ngeug gyang: pyam bye. Nyang: gi dayo' daboin: za: yubag yoobo da" pyo: khyoo: moo Mangso da" byumyu" yi yo' dage" kyi" khyeug jamjau shau" wa ziri nyang: je vho: nyid. Nyang: gi Meshia shid mo juang" yi boem zi shau" wa shid re" gi Egutu soid' gain' dangain" tho' moo gi je ge nyid"- ga: myid soin: bye. Khasu" wim gari nyang: gi ju" loo wa da" ayo, moo shau" kham: yu wa da" myonhoo: ngi shab, jhung shug ri nheig byu lho: dalang" nyid. Loem" jeung" ziyo' Moshe gi Khokham" phoo nheig yoo: wa ziri agyug loo: za: Egutu meing: mo thu lo" abye:- Nyang: gi myojid" yo' amyang da" Mangsoo ri myang yhang: ti" nyang- Egutu meing: khyoo: doem tau" loo" khyoo: ri ngeug pyam bye.

Abraham gi Mangso wigi ca: yu" zi shau" nyid uri loem" jeung" ziyo' nya: zoo Isag ri xoin" du: khyo" ngei" byid: pyam bye. Abraham gi Mangso jang" mo dang: soo" khoin" kham: yu shau" su: nghoid- nghoid loug we' nyang: gi nya: zooti" zoo: ri xoin" du: khyo" ngei" byid: pyam' wa zi jen" nyid gu nghoid.

Loem" jeung" ziyo' shava myhi, Rahab, gi Israela dab, mo jooyu" mo, ri si' go" khyo" lhoem: zoem" khau: kham yu yoomo Mangsoo ri atam" gyo: da"-yooboo yo" mo, ri said pyam' da" jang" moo abo shid:.

Loem" jeung" ziyo' Israela byumyu" yi gi tung: gung yhang: ti"- gyid thoem" ni khoug: khyo" yo" phyed lo boem bye. Egutu byu yi we' houg: su" bo gu: neug ca: yu" boem ga: rigi noeb, shid: lo" pyam' byug boem bye.

Loem" jeung" ziyo' Israela byumyu" yi gi nyhed nyid" bain' sho' Yerikho" voogung ri bain so" lheung yu thang: ri hau: voomoo" vang khyam: ri yo" khyau" mhoin' phyo' sain" byid: pyam' boem bye.

Nyang: gi loem" jeung" ziyo' zooshid" yi ri said pyam lo da" mau: Lagyoo: yiri Israela byumyu" yi da" zooshid" yi ri abo said pyam wa shid re" lhed: kai da" pui" ri shu" koid shed" wigi yang suid" joem ri khoem" bung zeing yo' khoem" baid joem moo byeug sain" gyoin: too" wa shid re" pyeung: too" bye.

Loem" jeung" ziyo' Yoseb gi nyang: shid: wa zi jhang lo da" uri Israela byumyu" yi Egutu meing: mo byoin, thu loo wa da" khyoo: ri tid kyeing" tid poin" kyo" lho: nya: shoo" youg: shoo" yang joem ri khasu" koid wa da" khyoo: ri we' pyeung: too" kho.

Loem" jeung" ziyo' Yaku gi nyang: shid: lo" nyid uri Yoseb da" nya: zo: eig yug ri mainkaid byid wigi nya: lham: dung: phyoo" moo thoug nghe: ci: lho: noku da.

Loem" jeung" ziyo' Isag ri ju" loo wa da" ayo, moo kham: yu wa zi nghoid da" mainkaid jeju" yo' sen: lho: wigi Yaku yo' Eso eig yug ri dang: soo" khoin" khyo" mainkaid byid: bye.