Popular Bible Verses from HEBRE 10

Share

Nyhang" nyang: cang" zeung: foem: da" thung" ri ri dayham" gi she: pyam' nyid boem ago". Nyhang" gi houg: su" akoid boem loo: za: hau: Aseing: doem ju" ri" wa da" bidnyid jhang loo bye: ziri se' nyid boem bye: yoomo nyang: cang" nyang: je" wigi yoem: byid: go" nyid boem shang.

Ngoonu" gi ngoonu" nyang: cang"- pang" goo" thug goo" wa shid re" nyhang" nyang: cang" jheddab da" nheigloem: toin" shid' go" zoore"- ge da" moozoo" rizei: wa shid mo nheigloem: tu: to' lho: pang" goo" thug go" nyid shang.

Ngoonu" yhen: yu lho: loem" jeung" da" loem, khau: nheig byu khyoo: moo aloeb, adei loo: nyhang" geung: teung jo, loo: shang. Khasu" wim gari Mangsoo gi nyang: dang: soo" to" da' khyoo: moo kyed, da" dang: zung" su: nghoid khyoo: ri ngoonu" loem, jeung" nyid boem.

Mangsoo myid vho: khyoo: ri cang zei: wa ziyo' nya: da" dang: soo" khoin" joem yo' dakhyoo" ti"- akyu" yo" kham: yu boem sho' nanu" gi gyi: sheung: nheigloem: yo' zeung: kham, ca" nyid boem.

Houg: su" nghoid yoomo ngoonu" gi yooboo yoo" boin: da" nheigloem: ung: khoug: joem ri ced" yung" ced' shang: pyam' lho: ngoonu" da" gung doem: ri we' gyeungshang: da" gyid yo' bain' ced" shang: pyam' lang" ashoid' avhang: loo:- jhug zug da" loem" jeung" nheigloem: yo' Mangso jhang khyoo: yu: tain" vang lo" boem shang.

Houg: su" nghoid yoomo nanu" da" yoem: vhoo" ri ashe: pyam- aci: phyug goo. Houg: lang" gi nanu" da" vhu" kung: phoug" azeing yo" yu goo" wa zi nghoid.

Khasu" wim gari nyangnu" gi hau deingmain" khyoo: ri bain' se' gyo: kham: yu thang: ri yooboo ri zhoogyi: gyi: dadoem koid nyid boem nghoid rigi ngoonu" da" yoobo shid re" to' byid: wa da" xoin" gootu: jo, loo: wa zi anghoid. Ngoonu" gi ju" loo wa nghoid da" tarha" dang: phyed khyoo: yo' Mangsoo yo' aveing" goo" mo, ri nghe, jhoem" pyam' wa da" atho' tid loo: sho' gyoug pho" ngarai myi: ri gyoug nain" zoore" lang nyid wa zi za: danghoid lo.