Popular Bible Verses from JOSHUA 6

Share

Cutikah BAWIPA in Joshua hnenah, “Ngaihnik! Jerikho khua le an siangpahrang le an ralkap pawl an zatein na kutah ka lo pek.

Cule saupi in voikhat an phaw pei ih cumi an theih vete in senpi pawl cu napi in an au pei ih an khawpi kulhnak ralhruang cu a cim rupri ding. Cutikah ralkap pawl cu anmah ih hmai zawn ciar in khawsung ah an lut pei,” tiah a ti.

Hi khawpi cu nangmah le na ralkap pawl in ni khatah voikhat in ni ruk sung nan vel pei.

Puithiam pasarih, tuucangki pakhat ciar kengin Thukam Kuang hmaiah cun an feh pei. Ni sarihnak ni ahcun nangmah le na ralkap pawl in khawpi cu vel sarih nan vel pei ih puithiam pawl cun an tuucangki tawtawrawt an phaw pei.

Israel mi pawl lut thei hlah hai seh tiah Jerikho khua cu fektein an kulh ih kotka an khar. A lut a suakmi zohman an um lo.

Vel sarihnak an vel tikah puithiam pawl in tawtawrawt cu an tum ih Joshua in a mi pawl hnenah, “Au thlang uh! Hi khawpi cu BAWIPA in nan kut sungah a lo pek a si.

Khawpi cu siatsuah thluh a si pei ih a sungih ummi hmuahhmuah cu BAWIPA ih hnenah pek thluh a si pei. Thlingthlatu kan thlahmi pawl himte in a rak thuh thei ruangah hlawhhlangnu Rahab le a innsang pawl lawng nan zuah pei.