Popular Bible Verses from DAAN PEKSALNAK 6

Share

BAWIPA nan Pathian cu nan thinlung zate, nan nunnak zate le nan thazaang zatein nan duhdawt pei.

Nan faate pawl zirh sin uh. Inn nan um tikah siseh, lengih nan feh tikah siseh, sim ringring uh. Nan colh tik le hna nan ṭuan tik khalah saal ringring uh.

Tuihsun ih ka lo pekmi thukham pawl hi nan thinlung sungah caam ringring seh.

“Maw Israel mi pawl, ṭhatein ngai uh! BAWIPA Amah pakhat lawng hi kan Pathian a si.

Nan baan ah ṭem uhla, a lo theitertu dingah nan cal ah ben uh.

Nan inn sangka tlunah le nan kotka par khalah ngan uh.”

BAWIPA nan Pathian lawnglawng nan ṭihzah pei. Amah lawng nan rian pei ih amah ih hmin lawngin thukamnak nan tuah pei.

“BAWIPA kan Pathian in nanmah ih nan din lomi khawpi tum zetzet a umnak ram cu ka lo pe ding tiah nan pupa Abraham, Isaak le Jakob hnenah thu a kam. Cuih khawpi sungih inn pawl cu nanmah ih nan khawl lomi thil ṭhaṭha in a khat, nanmah ih nan laih lomi tikhur pawl a um ding ih nanmah ih nan tuah lomi sabit hmuan le Olif hmuan pawl an um ding. BAWIPA in cuih ramih a lo thlenpi hai tikah le nan hiarmi hmuahhmuah khopzetih ei ding nan neih tikah, Sal nan taannak Izipt ram ihsin a lo suahtu BAWIPA cu nan hngilh lonak dingah fimkhur zetin nan nung pei.

“BAWIPA nan Pathian in nanmah zirh dingih i fialmi a thu le a daan hmuahhmuah cu hihi an si. Nan luah dingmi ram nan thlen tikah hi daan pawl cu thlun uh. Cutawkih caan reipi nan um theinak dingah nanmah le nan tefa pawl in nan nunsung hmuahhmuah BAWIPA nan Pathian cu nan ṭihzah pei ih ka lo pekmi amah ih daan pawl cu nan thlun pei.

BAWIPA ih hmaika ah a dikmi le a ṭhami tuah uhla nan lam a tluang ding. Cuticun ram ṭha cu nan pupa hnenih BAWIPA ih thukamnak bangin nan luah ding ih

Nan biak asile BAWIPA ih thinhennak nan parah meisa bangin a thleng ding ih a lo cimitter hai ding; ziangahtile BAWIPA nan Pathian, nan hnenih a ummi cu thiik neimi Pathian a si.

Nan kiangkapih a ummi miphun pawl ih khawzing pawl nan biak lo pei.

“BAWIPA nan Pathian cu, Massah ih nan rak hniksak zo bangtuk cun hniksak nawn hlah uh.