Popular Bible Verses from DAAN PEKSALNAK 7

Share

Curuangah BAWIPA nan Pathian cu Pathian taktak a si ih, rintlak Pathian a si, ti kha thei ringring uh. A thukam cu a fekter ding ih amah a duhdawttu le a thupekmi a thluntu hmuahhmuah parah cun san thawng tampi tiang a cat lomi duhdawtnak a langter ding.

Ziangahtile nannih cu BAWIPA nan Pathian ih minung nan si ih a hnenah mi phunthiang nan si. Leitlun mi hmuahhmuah sungin amah ih minung, a minung sunglawi si dingah a lo hril zo a si.

Sikhalsehla BAWIPA in a lo duhdawt ih nan pupa pawl hnenih thukamnak a tuahmi kha kimter a duh ruangah a si. Curuangah a baan thacak in a lo run ih Izipt siangpahrang kuthnuai ih sal taannak in a lo luatter a si.

“Midang hnakih nan tam deuh ruangah BAWIPA in a lo duh ih a lo hrilmi nan si lo; thungai ih ti ahcun leilung tlunah miphun fate bik nan si.

Nanmah bangtuk ih thlawsuahnak famkim a cotu hi leilung tlunah zohman an um lo ding. Nanmah lakah zokhal fa nei thei lo le facing nan um lo ding ih nan ṭilva lak khalah fa nei thei lo le a cing an um lo ding.