Popular Bible Verses from DAAN PEKSALNAK 11

Share

Nan faate pawl hnenah zirh uh. Inn ih nan um ah siseh, khawlengih nan suah ah siseh, sim uh; nan zaunak le nan cangvaihnak khalah sim uh.

“Hi ka thupekmi pawl cu nan thin le nan lung sungah khum uh. Nan baan ah ṭem uhla a lo ṭhangphawktu dingah nan cal ah ben uh.

“Curuangah tuihsun ih ka lo pekmi thukham hmuahhmuah hi thlun uh; cuih thukham cu, BAWIPA nan Pathian cu nan thin le nan lung zatein duhdaw uhla amah ih hna cu ṭuan uh, tihi a si. Cutiih nan tuah asile, BAWIPA in nan ramih a ṭulmi fur ruah le ṭhal ruah cu a tikcu caanah a surter ding ih rawl le sabitti le olif siti nan paṭha ding ih

“BAWIPA nan Pathian cu duhdaw uhla amah ih thukham, a daan le a thupekmi pawl hmuahhmuah cu thlun uh.

“Ngaihnik uh! Tuihsun ah nan hril dingah thlawsuahnak le siatcamnak nan hmaiah ka ret a si. BAWIPA nan Pathian ih thukham, tuihsun ih ka lo pekmi hi nan thlun ahcun thlawsuahnak nan dong ding. Sikhalsehla hi thukham pawl nan thlun lo ih nan theih dah lomi khawzing dangdang hnenah biak dingih nan feh a si ahcun siatcamnak nan tong ding.

Nan inn sangka tlunah le nan kotka parah ngan uh. Cutiih nan tuah ahcun BAWIPA nan Pathian in nan pu le nan pa hnenah pek dingih a tiamkammi ram sungah nanmah le nan faate pawl cu reipi nan nung ding. Lei le van a um sungah cun cutawk ram ah nan um ringring ding.

BAWIPA hnen ihsin pial tahrat in khawzing dangdangih thlemnak ah zohman in lo hruaisual hlah seh.