Popular Bible Verses from DAAN PEKSALNAK 10

Share

“Curuangah, maw Israel mi pawl, BAWIPA nan Pathian ih a lo fialmi hi ṭhatein ngai uh. BAWIPA cu ṭihzah uhla a thupekmi hmuahhmuah cu tuah uh. Nan thin le nan lung zatein amah cu duhdaw uhla amah ih hna cu ṭuan uh. A daan cu kimtein thlun uh; nanmah hrangih ṭhatnak ah tuihsun ah ka lo pek a si.

BAWIPA nan Pathian cu pathian hmuahhmuah lakah cungnung bik a si ih bawi hmuahhmuah lakah bawi bik a si. Amah cu a lian bik le a sang bik a si ih ṭihzah bik ding tla a si. Amah cu ṭan cuangmi a nei lo ih nawhthuh eitu khal a si lo.

Curuangah tuih ni ih thokin nan thinlung thleng uhla BAWIPA ih thu a ngaitu si thlang uh, milungruh si nawn hlah uh.

Nupa nei lo ngakṭah farah le nuhmei pawl ih thu tla dingtein a rel; nanmah lakih a ummi ramdangmi pawl tla a duhdawt ih rawl le hnipuan a pek.

Amah cu thangṭhat uh; ziangahtile nan Pathian a si ih nan hrangih thilmak zetzet le rapthlakza a tuahmi pawl cu nan mit rori in nan hmu zo a si.

Curuangah BAWIPA nan Pathian cu ṭihzah uhla amah lawng biak uh. Amah ih hmaiah rintlak in um uhla amah ih hmin lawngin thu kam uh.

Van ih a saangbik hman khi BAWIPA ih ta a si. Leilung le a parih thil hmuahhmuah tla amah ih ta an si ṭheh.

Nannih tla in ramdangmi pawl cu duhdaw uh, ziangahtile nannih khal Izipt ramah mikhual nan rak si.