Popular Bible Verses from Apocalipsa 9

Share

Iarã alantsã oaminji, atselji tsi nu s-vãtãmarã di aesti pledzi, nu s-mitãnjiusirã di faptili a mãnjilor a lor shi nu dãnãsirã trã alãvdari demonjlji sh-idolji atselji di furii sh-di asimi, di bãcãr, di cheatrã sh-di lemnu, cai nu pot nitsi s-veadã, nitsi s-avdã sh-nitsi s-imnã. Nu s-mitãnjiusirã trã vãtãmãrili a lor, nitsi trã mãyiili a lor, nitsi trã putãnsirili a lor sh-nitsi trã furãrili a lor.

Dit fum ishirã carcaletsi pri loc sh-a lor lã si deadi puteari ashãtsi di cum au puteari scrachilji a loclui. Atsilor lã si dzãsi s-nu zãrãseascã iarba a loclui, nitsi vãrã virdeatsã, nitsi vãrã pom, ma mash oaminjlji tsi nu au vula a Dumnidzãlui pri frãmtili a lor.

A tsintsul anghil asunã trumpeta sh-vidzui unã steauã, tsi cãdzu dit tser pri loc sh-atsilui lji si deadi cljeaia a putslui di Ahãndami.

A carcaletsilor nu lã si deadi volje s-lji vãtãma atselji, ma s-lji munduea di tsintsi meshi sh-dorlu a munduiriljei a lor s-eara ca ntsãparea a scraplui.

Ca amirã pri nãshi avea anghilu a Ahãndamiljei. Numa a lui pri uvreieshti eara “Abaddon”, iarã pri gãrtseshti eara “Apollion.”