Popular Bible Verses from Iacov 4

Share

Sumbãgats-vã a Dumnidzãlui, ncuntrats-vã a draclui sh-elu va s-dipãrteadzã di voi.

Aprucheats-vã di Dumnidzãlu sh-elu va s-aproachi di voi. Curats mãnjili a voastri voi amãrtioshi, shi sãmtsãsits ininjli, oaminji cu doauã minti!

Aplicats-vã nãintea a Domnului, sh-elu va s-vã analtsã.

Ma elu da har sh-ma multu, trã atsea s-dzãtsi: “Dumnidzãlu li ncuntreadzã mintimãrlji, sh-lã da har a aplicatsilji.”

Atsel tsi shti s-fac ghineatsã sh-nu u fatsi, elu amãrtiseashti.

Voi cãftats sh-nu loats, cã cãftats cu nãeti arãu tra s-li ufilisits ti chehili a voastri.

Cãlcãtori a curuniljei, nu shtits cã uspitsãljea cu lumea easti tu dushmãnlichi cu Dumnidzãlu? Atsel tsi va hibã oaspi cu lumea easti dushman a Dumnidzãlui.

Voi nu shtits cã tsi va hibã dzua di mãni. Tsi easti bana a voastrã? Atsea easti ca un abur tsi s-veadi di putsãn chiro sh-deapoea cheari.