Popular Bible Verses from Uvreilji 11

Share

Tora pistea easti sigurantsa a lucrilor tsi s-nãdãescu, sh-cãndãrsirea trã lucrili cai nu s-ved. Cã prit pisti loarã mãrtirii bunã vecljilji.

Fãrã di pisti easti niputut s-lji ariseshti a Dumnidzãlui, cã atsel tsi lji s-aproachi al Dumnidzãu, prindi s-pistipseascã cã Dumnidzãlu easti sh-arãsplãteashti atselji cai lu caftã.

Prit pisti aduchim cã dunjeaua easti adrat prit zborlu al Dumnidzãu, ashãtsi cã, atsea tsi s-veadi nu easti adrat di lucri tsi s-ved.

Prit pisti cãndu s-acljimã Abrahamu, s-cãndãrsi tra si s-ducã cãtrã un loc trã loari mushtinirea sh-fudzi fãrã si shtibã cã iu njidzea. Prit pisti bãnã ca xen la loclu tãxit cum s-eara loc xen, bãnãnda tu tendi deadun cu Isacu sh-cu Iacovu, tsi eara deadun cu nãsu mushtinitori la idyia tãxiri

Prit pisti, cãndu Noe lo hãbari trã atseali lucri tsi ninga nu s-videa. Elu avãnda frica a Dumnidzãlui, adrã un pampor ti ascãpari casa a lui. Prit pisti elu condamnã lumea shi s-featsi mushtinitor a ndriptatiljei tsi yini prit pistea.

Prit pisti Enocu si strãmutã di aestã banã tra s-nu videa moartea sh-nu si aflã ma, cã Dumnidzãlu u strãmutã. Cã, ma nãinti tsi si strãmuta, avea loat mãrtirii cã lji avea arsit al Dumnidzãu.

Prit pisti Abel lji adusi al Dumnidzãu un curbani ma bun dicãt Cain. Elu prit pisti lo mãrtirii cã easti ndreptu, cãndu Dumnidzãlu mãrtirsi trã doarili a lui. Prit pisti, Abel, cu tutã cã ari murit, zburashti ninga.

Prit pisti sh-Sara cai eara stearpã sh-lji avea tricut chirolu a amintariljei, lo fuchii tra s-armãnea greauã, cã u lugursi pistimen atselu tsi lji tãxi.

cã ashtipta cãsãbãlu cu thimelji, architectu sh-adãrãtor a cui easti Dumnidzãlu.

Prit pisti Moisiul, cãndu s-featsi mari, arnisi tsi si s-acljeamã hiljiu a hiljiljei al Faraon. Elu aleapsi si munduea deadun cu populu a Dumnidzãlui, dicãt s-gusta ti shcurtu chiro hãrsirea a amãrtiiljei. Elu u lugursi pizuirea al Hristos ma mari aveari dicãt ayishtearili al Eghyptu, cã mutrea cãtrã arãsplãtirea. Prit pisti elu alãsã Eghyptu fãrã fricã di inatea al amirãlu, sh-armasi niminat, cã videa atselu cai eara nividzut.

Prit pisti Abrahamul, cãndu s-bãgã tu provã, lji deadi ca curbani Isacul, sh-elu cai lo tãxirili, eara etimu s-lji dea hiljiu a lui atsel singurlu

Prit pisti putana Rahaba, nu chiru deadun cu atselji cai eara nicãndãrsitsi, cã ashtiptã spiunjlji cu pace.

Prit pisti Israelitsi tricurã Amarea atsea Roshea, ca pri un loc uscat, ma cãndu vrurã Eghyptenjlji s-treacã, s-nicarã.

Prit pisti cãdzurã murili al Ierico, dupã tsi Israelitslji lj-vinirã anvãrliga di shapti dzãli.

Prit pisti elu sãrbãtori Pashtili shi-pruscutirea a sãndzilui, cu nãeti tsi afãnsitorlu s-nu cãrtea prots-amintatslji al Israel.

Prit pisti Iosiful, tu bitisita a banãljei, adusi aminti ishirea a hiljilor di Israel sh-deadi ordin ti oasili a lui.

Prit pisti Iacovul, cãndu ma murea, ghinicuvãntã cathiunu di hiljilji al Iosif shi si ncljinã andupirat pri mãyeaua a bãstunlui a lui.

Prit pisti Isacu ghinicuvãntã Iacovul sh-Esaul trã lucrili tsi va yinã.