Popular Bible Verses from Uvreilji 12

Share

Trã atsea sh-noi, hinda anvãrligats di un nior ahãntu mari di martiri, arcãnda nclo itsi greutati sh-amãrtia tsi nã anvãrligheadzã dipriunã, s-alãgãm cu arãvdari la cala tsi avem nãinti, avãnda mutrita cãtrã Isus, apãrnjitorlu sh-mplinãtorlu a pistiljei, cai trã haraua tsi eara nãintea a lui, arãvdã crutsea, dispretsui arushinea shi shidzu tu nandreapta a thronlui a Dumnidzãlui.

Cathi vãrgheari tu ahurhitã, si pari cã nu adutsi harauã, ma nvirinari, iarã deapoea da frutili a paciljei sh-a ndriptatiljei atsilor tsi suntu ndreptsã prit nãsã.

Fãtsets pace cu caitsido shi sãmtsiri, cã fãrã di ea vãrã nu va veadã Domnul.

Trã atsea, minduits trã atsel cai arãvdã ahtari ncuntrari di amãrtioshlji pristi nãsu, tra s-nu vã apustusits shi s-vã slãghits tu ininjli a voastri.

Trã atsea, luãnda un amirãrilji niminatã, s-hãristisim sh-prit aestã s-lji huzmitipsim a Dumnidzãlui cu arsiri, cu alãvdari sh-cu fricã

Macã voi va u arãvdats vãrghirea, Dumnidzãlu va vã mutreascã ca hilji, cã cai easti atsel hiljiu tsi nu lu vãrgheashti tatãl?

cã Dumnidzãlu a nostru easti un foc tsi ardi.

Cã dealihea elji nã vãrghirã trã niscãnti dzãli ashã cum minduirã ti ma ghini, iarã elu nã vãrgheashti trã buna a noastrã tra s-nã fãtsem pãrtashi tu sãmtsãljea a lui.

Cã voi ninga nu avets arãvdat pãnã tu sãndzi, alumtãnda contra a amãrtiiljei.