Popular Bible Verses from Efesienji 4

Share

S-hits bunji, duruts cu un-alantu, ljirtats un-alantu, ashãtsi di cum Dumnidzãlu vã ari ljirtat prit Hristolu.

S-hits didip aplicats sh-froninji, s-avets arãvdari, s-aprucheats un-alantu cu vreari.

S-nu easã vãrã zbor lãvushitã dit gura a voastra, ma mash zboari buni tra s-agiutã tu crishtearea dupã ananghea, shi s-da har atsilor tsi ascultã.

Mutats di voi cathi amãreatsã, nãriri, hulii, ngrãnji, blãstem sh-cathi arãutati.

Nãrits-vã, ma nu amãrtisits! Ascãpitata a soarilui s-nu vã aflã ninga nãrãits. Nu dats loc a draclui.

Arucats nclo bãnarea di ma nãinti a omlui atsel vecljiu, tsi s-aspardzi di orixili atseali arali. Rinoits-vã tu inimã sh-tu mintea a voastrã, shi nvishtets omlu atsel noulu faptu dupã Dumnidzãlu tu ndriptatea sh-tu sãmtsãljea tsi yini di alihea.

Fãtsets itsi putets tra s-tsãnets unitatea tsi da Duhlu prit pacea tsi vã leagã cu un alantu.

Niscãntsã elu lji featsi apostulji, niscãntsã lji featsi prufits, niscãntsã lji featsi evanghelishtsã, sh-alantsãlji lji featsi picurari sh-nvitsãtori, trã etimãsirea a sãmtsãlor trã lucrul a huzmitipsiriljei, trã adrarea a truplui a Hristolui, pãnã cãndu s-agiundzem tuts la unitatea a pistiljei sh-la cunushtearea a Hiljilui a Dumnidzãlui. Ashãtsi va nã fãtsem oaminji perfects, agiungãnda mizura a mpliniriljei a Hristolui.

Ashãtsi noi s-nu him ma cilimenji, arucats nclo sh-ncoa dit vãljurili, loat anvãrliga di cathi vimtu a nvitsãturãljei, sh-cu ileili shi shiritlãchili a oaminjlor tsi vor si s-arãd. Ma dzãcãnda alihea cu vreari, s-crishtem tu tuti cãtrã elu tsi easti caplu, Hristolu.