Popular Bible Verses from Efesienji 5

Share

Urmats urnechea al Dumnidzãu, ca cilimenji multu-vruts, sh-imnats tu vreari, ashãtsi cum Hristolu nã vru noi sh-u deadi bana a lui trã noi ca unã doarã njurizmat sh-curbãnsit trã Dumnidzãlu.

Trã atsea, bãgats mintea cum bãnats, nu ca zurlji, ma ca mintimenji. Arãscumpãrats chirolu, cã dzãlili suntu arali.

Nu vã mbitats cu yin, tsi vã dutsi tu disfãrnari, ma umplets-vã cu Duh, zburãnda cu un-alantu cu psalnji, imnuri, sh-cãntitsi duhuroasi, cãntãnda sh-alãvdãnda Domnul tu ininjili a voastri, hãristisinda totãna Dumnidzãlu Tatãl tu itsido, tu numa a Domnului a nostru Isus Hristos.

Trã aesta, nu vã fãtsetsi zurlji, ma aduchits cã cai easti vrearea a Domnului.

Bãrbats, s-vrets muljerili a voastri, di cum Hristolu vru bisearica sh-u deadi bana a lui trã nãsã

Vãrã oara earat scutidi, ma tora hits lunjinã tu Domnul. Bãnats ca hilji a lunjinãljei

Sumbãgats-vã a unui-alantu di frica a Hristolu.

Muljeri, sumbãgats-vã a bãrbatslor a voshtri, ashãtsi di cum a Domnului.

Cu tut atsea, cathiunu di voi prindi s-va muljearea a lui ashã di cum s-va elu, tutashã sh-muljearea s-tinjiseascã bãrbatlu a ljei.

“Trã aestã bãrbatlu va alasã tatãl sh-muma a lui sh-va si-mpriuneadzã cu muljearea a lui, sh-doilji va hibã un trup singur.”

Nu loats parti tu faptili nifructoasi a scutidlui, ma di contra s-li vãrghits discljisã.