Popular Bible Verses from Men Episus 4

Share

A komail en kadek pena, o poka pena, o mak pena amen amen, dueta Kot kotin maki ong komail ren Kristus.

Ni karakarak melel, o opampap, o kanongama, o limpok pena nan pung omail.

Kasoi saut ender ko wei sang nan au omail, a men kamau, pwen papaki ong me karong akan me mau.

A limelimek sued, o lingarangar, o makar, o men pei, o lalaue en doo wei sang komail, o pil song en sued karos.

Ni makar komail der wia dip, o katipin der kirila mon omail insenemaula. Ender duki ong tewil o!

Komail ari muei sang tiak en mas o aramas maring, me kin kawe kila pein i inong sued. A komail en kawilikapada ngen omail! O danwar anekila aramas kap, me wiauier duen kupur en Kot, ni melel o pung o saraui.

Angkelail ong wia minimin eu ni Ngen saupena ki sal en popol.

O a kotin kasapwilada akai, en wanporon akan o akai en saukop akan, o akai en warongamau kan, o akai en silepa o saunpadak kan. Pwen kapungala saraui kan ong wiawia dodok eu, me pan kauada war en Kristus. Kitail karos lao lel ong poson ta ieu, o lolekong ki Sapwilim en Kot, o wiala ol melel, me paroki ong Kristus ni a unsokela

Pwe kitail en solar tau en seri pwelel, me mokimokideki sili padak likam, me kin pwai kida kotaue en aramas akan o ar likam, o widiwiding me re kin wiada, pwen kaweid sapung. A kitail en melel ni limpok, ap kakairida ni song karos ong Kristus, me tapwi o.