Popular Bible Verses from Men Episus 5

Share

KOMAIL kaalemongi Kot dueta seri kompok kan. O kekeid ni limpok dueta Kristus, me kotin, pok ong kitail, ap kotin sokonpaude kin kitail, pwen wiala kisakis o mairong eu, me kin pomau ong Kot.

Kalaka, pwe komail en keid ineneweita, kaidin duen me lolepon a duen me lolekong kan. Audaud ansau mau, pweki ran akan me sued.

Ender kamom wain, pwe a kin kareda tiak sued, a komail en direki Ngen. O sauas pena ki psalm, o kaul en kaping, o kaul ngenin; komail kaul o kasang ong Kaun o nan mongiong omail. Danke kaukaule Kot o Sam ni mar en atail Kaun Iesus Kristus.

Komail ari ender lamponla, a en lolekong, pwe i duen kupur en Kaun.

Komail ol akan pok ong pein omail warok kan, dueta Kristus kotin pok ong momodisou o kotiki dong i pein i.

Pwe mas o komail me rotorot, a met komail marainlar ren Kaun o; weweid wei duen seri en marain akan.

O papa komail pena amen amen ni masak dol en Kristus.

Komail li akan, udi ong pein omail warok kan dueta ong Kaun.

Pil dueta komail, amen amen komail en pok ong a warok dueta pein i, a li o en kakaki a warok.

I me aramas o pan muei sang sam a o in a, ap muei ong a paud, ira ari pan uduk ta ieu la.

O der waroki ong wiawia sued en me rotorot akan, a mak eta, en kapung ong irail.