Popular Bible Verses from رومیوں 2

Share

اے اِنسان! تُوں جیہڑا ایجھے کم کرݨ آلیاں اُتے اِلزام لیندیں تے خود اُوہو کم کریندیں، کیا ایہ سمجھدیں جو تُوں خُدا دی عدالت کنُوں بچ ویسیں؟ کیا تُوں خُدا دی مہربانی، برداشت تے صبر کُوں نا چیز سمجھدیں؟ تے کیا ایہ نئیں جانڑدا جو خُدا تیکُوں توبہ کرݨ دو گِھن ونجنڑ کیتے تیڈے اُتے مہربانی کریندے؟

اِیں واسطے اے اِلزام لاوݨ آلے، تُوں جیہڑا کوئی وی ہونویں تیڈے کولھ کوئی بہانہ نئیں۔ کیوں جو جڈاں تُوں ڈُوجھے اُتے اِلزام لیندیں تے خود اُوہو کم کریندیں تاں اِینویں آپنڑے آپ کُوں مُجرم بنڑیندیں۔

کیوں جو خُدا کہیں دی طرفداری نئیں کریندا۔

کیوں جو شریعت کُوں سُنڑݨ آلے خُدا دی نِگاہ ءچ راستباز نئیں ہوندے بلکہ شریعت اُتے عمل کرݨ آلے ای راستباز کھڑائے ویسن۔

او ”ہر بندے کُوں اُوندے اعمال دے مطابق بدلہ ڈیسی۔“

پر جیہڑے خود غرض ہِن تے سچائی کُوں چھوڑ تے بُرائی دے پِچُھوں چلدے ہِن اُنہاں اُتے قہر تے عذاب نازل تھیسی۔

پر تُوں آپنڑے سخت تے توبہ نہ کرݨ آلے دل دے سببّوں خُدا دے غضب دے ڈینہہ کیتےآپنڑے کیتے غضب جمع کریندا پِیا ہیں، جڈاں خُدا دا سچا اِنصاف ظاہر تھیسی۔