Popular Bible Verses from رومیوں 1

Share

مَیں خوشخبری کنُوں نئیں شرمیندا کیوں جو او ہر اِیمان گِھن آوݨ آلے دی نجات کیتے خُدا دی قُدرت ہے، پہلے یہُودی کیتے، وَل غیریہُودی کیتے۔

کیوں جو خوشخبری خُدا دی راستبازی کُوں ظاہر کریندی ہے، او راستبازی جیہڑی اِیمان ای دے ذریعے حاصل تھیندی ہے، جِینویں پاک کلام ءچ لِکھیا ہے جو ”راستباز اِیمان نال زندہ راہسی۔“

کیوں جو دُنیا دی پیدائش کنُوں گِھن تے اَج تئیں خُدا دیاں اَن ڈِٹھیاں صفتاں یعنی اُوندی ابدی قُدرت تے اِلٰہی ذات، بنڑائیاں ہوئیاں چیزاں کنُوں صاف ڈِکھالی ڈیندیاں ہِن۔ اِیں واسطے اِنسان دے کولھ کوئی بہانہ نئیں۔

بے شک او خُدا دے بارے ءچ جانڑدے تاں ہَن پر اُنہاں اُوندی خُدائی دے لائق اُوندی تمجید تے شُکرگزاری نہ کیتی بلکہ او فضول سوچاں ءچ پے گئے تے اُنہاں دے ناسمجھ دِلاں اُتے اندھارا چھا گِیا۔

اُنہاں خُدا دی سچائی کُوں کُوڑ نال بدّل ڈِتا تے مخلوقات دی زیادہ عبادت تے خدمت کیتی، بجائے خالق دی جیہڑا ہمیشاں تئیں تمجید دے لائق ہے۔ آمین۔

پر خُدا دا قہر اُنہاں لوکاں دی ساری بے دینی تے بدکاری اُتے اسمان کنُوں ظاہر تھیندے جیہڑے سچائی کُوں آپنڑی بدکاری نال دبا ڈیندے ہِن،

اِیں واسطے خُدا اُنہاں کُوں شرمناک خواہشاں ءچ چھوڑ ڈِتا۔ اِتُھوں تئیں جو اُنہاں دیاں عورتاں آپنڑے فطرتی جنسی تعلقات کُوں غیر فطرتی تعلقات ءچ بدّل ڈِتا۔ اِینویں ای مرد وی عورتاں نال آپنڑے فطرتی جنسی تعلق کُوں چھوڑ تے آپس ءچ مست تھی گئے یعنی مرداں، مرداں نال بُرائی کیتی تے اُنہاں آپنڑے آپ ءچ آپنڑی گُمراہی دے لائق سزا پاتی۔ تے جِینویں اُنہاں خُدا کُوں جاننڑاں پسند نہ کیتا، اِینویں ای خُدا وی اُنہاں کُوں گندے خیالاں دے حوالے کر ڈِتا جو نامناسب کم کرݨ۔

او عقلمند ہووݨ دا دعویٰ کریندے ہَن، پر بیوقُوف نِکلے۔ تے غیرفانی تے جلالی خُدا دی بجائے فانی اِنسان، پکھیاں، ڈھورڈنگراں تے کیڑے مکوڑیاں دی پُوجا کیتی۔