Popular Bible Verses from युहन्‍ना 19

Share

जेलाउ इसु इङको आङगुरको झोल र्‍हुहि, कालाउ वा दोअ्‌हि, “एला दोहोइ!” कालाउ वा पुरिङ तुघुरपातेङ पारान लाअ्‌पिहि।

इङकोन्हुअ्‌सो इसु गोताङ काम दोहोइ दोअ्‌का गितेङ धरमकिताब पोङघाको दोअ्‌तेङ दोअ्‌हि, “का आम्‍लि किअ्‌घा।”

जेलाउ इसु ताइको आमाइ रो वाको माया पाका चात्‍या भेरपा जाअ्‌तेङ हिका तिङहि। कालाउ वा ताइको आमाइहेङ दोअ्‌हि, “आमाइ, खाङ, नाङको चान!” कालाउ इङको चात्‍याहेङ बुङ वा दोअ्‌हि, “खाङ, नाङको आमाइ!” इङको पहरसो इङको चात्‍या इसुको आमाइ मरियमहेङ ताइकोङ साअ्‌ता चुम्‍पुहि।

जेलाउ एम्‍बालाइ इसुकोता लोहि कालाउ एम्‍बालाइ तिङहि, वा लाम्‍फादोङ सिलिदोका हिघाहि रो वाको खोकोइ माथुरपिहि। कालाउ एअ्‌मि सिपाल्‍हाइ इसुको कोखेता बाहि रो ओदोङघरि हिति रो चि ओल्‍हिहि।

“वाको हिदि बुङ हारा माथुरावा” दोअ्‌का धरमकिताबको बचन पोङघाको दोअ्‌तेङ इदोइ जेङलि लोहि। कालाउ आरोङ भेनेङ थामेता धरमकिताबता एसा दोअ्‌खे, “जाइहेङ एम्‍बालाइ बाका हि, एम्‍बालाइ वासेहेङ खानावा।”

इसु ताइको कुरुस ताइमिङ फातेङ खप्‍परे दोअ्‌का आरदाङता हानिहि, जाइहेङ हिब्रु राउता गलगथा दोअ्‌खे।

छरि लागाइकान्‍हुअ्सो सिपाल्‍हाइगेलाइ इसुहेङ चुइको सिरपेच रो बेङगाना रङको राजाको लागाइकाभाइका धाबा होङपापिहि।