Popular Bible Verses from युहन्‍ना 20

Share

कालाउ इसु आरोङ एम्‍बालाइहेङ दोअ्‌हि, “नेलाइहेङ सान्‍ति ज्‍याको! जेसापा आबा कासेहेङ दिङगिल्‍हि, एन्‍साङ का बुङ नेलाइहेङ दिङगिलाङका।” कालाउ इदोइ दोअ्‌तेङ वा एम्‍बालाइर्‍हुता ताइको हुसि म्‍होअ्‌तेङ दोअ्‌हि, “पुनित हाङसा र्‍हुसु।

इसु इङकोहेङ दोअ्‌हि, “ना कासेहेङ तिङनाङसिङ कासेहेङ खान्‍धुर पाका हिन्‍हा? सहसाम्‍पा निङका ज्‍याको एम्‍बालाइ, जाइ कासेहेङ तिङका मान्‍थु, कालाउबुङ खान्‍धुर पाखे।”

कालाउ वा थोमाहेङ दोअ्‌हि, “नाङको आङगुलि इता ताअ् रो काङको खुरगेलाइ खाङ रो नाङको खुर काङको कोखेता तिअ्। साङखा मापा, कालाउबुङ खान्‍धुर पा।” थोमा इसुहेङ दोअ्‌हि, “काङको प्रभु, काङको परमेस्‍वर!”