Popular Bible Verses from Hébreu 12

Share

Na kobona kinòwa o bèni bochaka n’èbuliki enè a bandèngè, tika bèni bomiche beka byango biwunduze bèni, nà machuma mango mayengazane na bèni, na bobandame nikichi n’ètungu o ncha momeko mwango mobitikiba o bocho ba bèni. Na mo bèni bokieke Jésus, mokonchi m’èchingane, mwango mobitunywiba, wango achèbèki ichèbo awechinye ika a moni mwango mobèki o ncha bocho ba wango, wango abowa kacha tonga na dyanchi, dyango tiyephila wango ka, na kinòwa adi bwa ebati èlomi a kiti a Nzambe.

Eyènènè tètè kinòwa bwe, machèbo machò madi mo ko kièlèlè phencha, moni twa, ko o chima yango mango tabota mbuka a phi, n’èchwa na bakoncha bango bakataki o cha mango.

Bodyalaka phi na bato bachò, na boyenga echwa, tonga mo echwa twa, edi moto iyicha boyènè Mokonchi twa.

Ko beni bochimunyaka koncha wango bato ba machuma balekaki eyètènè na wango, mòchi biyaye ba beni bidyale okondo ka.

Na kobona mo bèni tòyamba bokonchi bwango bodi oyicha bowate ka, tika bèni bophè ingòko, na kobona owana bèni bokiele mochalo ma Nzambe mango mwango mophè Nzambe moni na mowato na bobo b’èchwa.

Okomo beni bote n’ichèbo, owana yena edi ncha ikatiza beni kot’èkatibe; Nzambe akiele na beni ko ekielele ikiela na bana ba baphele bona.

Tonga Nzambe a bèni adi meya myango mitumbe.

Bochango ba bèni baphèki bèni mateyo m’ichèbo bobiko boki bona, ko bango bachinganaki o edyalele yango eleki bonyòngò, ko Nzambe aphèki bèni mateyo m’ichèbo ebèki tonga n’iphè bèni kota bonyòngò, tonga n’iyèchangana na wango o èchwa a wango.

O cha bita ba machuma byango bidi na beni kokoko ncho kinòwa, beni boch’ochèbè ichèbo ikuli dyango itubize beni malongo ka.