Popular Bible Verses from Hébreu 11

Share

Tonga echingane edi tètè kota echingane o eyeka yango banga bochenize, eyeka yango ech’oyeniba na banga ka, ko, banga boyebe yango kot’èyebele. Ebèki tonga n’èchingane baphomba bayambaki tètè mawò manyòngò o ebati a bango.

Ko, mo echingane twa, edi tètè katata enongo idyala n’èchwa o bocho ba Nzambe. Tonga koncha wango edinge boya o ma Nzambe, edi kokomo wango achingane bwe, Nzambe adi, na wango aphè iwuta na bakoncha bango bayenge wango.

Banga boyebe bwe, edi tonga n’èchingane Nzambe atunyolaki che na mawò ma wango, kobona beka byango banga boyènè, byango bibotuba tonga na beka byango biboyènènè ka, ka.

Ebèki tonga n’èchingane Abraham abèki mowoki a mawò, o wango abwangibaki na wango akièki o ngolo yango wango tadwa ko eyeka a itike bona, ko wikoncha aboyeba echoko ochonga yango wango taphola ka. Ebèki tonga n’èchingane wango adyalaki o ngolo yango balakaki wango ko mobutu bona, na wango adyalaki na Isaac na Jacob o tèndi, bango babèki bakwe ba beka b’itike b’ilakako dyò ko na wango, o ngolo yango ko biyenda bona.

Ebèki tonga n’èchingane Nzambe ayènizaki Noé emwa a beka byango wango abach’oyènè bocho ka, na wango atulaki machwa na kota echingane tonga n’iphakola b’èlongo a ndako a wango, na tonga n’èchingane yango wango ayichaki bochambe che botòtè, na wango achekwaki mokwe a beka b’èchwa ko beka bitike bona, tonga n’èchingane a wango.

Ebèki tonga n’èchingane Enoch akwebaki na bomwè tonga n’idyala ota na bowe ka, na moto nyò mò aboyènè wango dyòkò ka, tonga ekwaki wango Nzambe. Ko o wango abach’ophota bokwebe ka, wango ayambaki tètè mawò manyòngò bwe, wango abèki n’èchwa o bocho ba Nzambe.

Ebèki tonga n’èchingane Abel aphèki Nzambe sacrifice, wango elekaki sacrifice a Caïn bonyòngò, na tonga n’èchingane Abel ayambaki tètè mawò manyòngò bwe, wango abèki n’èchwa, tonga emwanyolaki kobona Nzambe koncha, tonga na basacrifice ba wango, èchingane a wango elobe kokoko ncho kinòwa, nyò wango adyale mowaki.

Ebèki tonga n’èchingane nà Sara ayambaki nguli idyala nyango a dia, o wango abèki o cha bokòtò tonga wango achinganaki koncha wango ephèki ilakako.

Tonga wango abondaki mboka a banchalela ba ngingi, motuli na motongi a yango edi Nzambe.

Ebèki tonga n’èchingane Moïse atonaki botangibe bwe, mwan’a bole a mwan’a mwatò a Pharaon. Wango alekaki bodinge bochèbè o ch’èlongo a bana ba Nzambe ika iyèdyala o cha moni ma bochuma bobiko boki. Wango atangaki mbèchi ibèchiba tonga na Christ bwe elekaki beka b’Egypte bonyòngò, tonga wango akiekaki o iwuta. Ebèki tonga n’èchingane wango akumwaki o Egypte abotila ibèli a mokonchi ka, wango ayichaki bobandame ngingi tonga o ch’èchingane a wango, wango ayènèki koncha wango edi oyèniba an bato ka.

Ebèki tonga n’èchingane Abraham aphèki Isaac ko sacrifice bona, o Nzambe amekaki wango, mwan’a wango a bole a mò phencha Abraham aphèki wango ko sacrifice bona, koncha wango o wango ayambaki malakako (moto wango).

Ebèki tonga n’èchingane Rahab, mwatò a bochembi abowa elongo yò na bato b’iwokake ka, tonga wango ayambaki bakoncha bango babèki b’iyebeli ba ngolo ko kota batutu bona.

Ebèki tonga n’èchingane bango bakiènanaki may manè matelaki na mokolo, ko che a kakala bona, ko o b’Egypte bamekaki botambole na bango o ch’ibondo dyango, bango badindaki.

Ebèki tonga n’èchingane matutu ma Jérico makwabanaki, o chima yango bango badyongaki mango madyonga mochabali.

Ebèki tonga n’èchingane wango alòngelèki tonga Pâque na tonga n’ichinga malongo, mòchi modyobichi wango ebomaki bana ba tabocho, adyale ophola o nch’èbati a bana b’Israël ka.

Ebèki tonga n’èchingane Joseph alobaki mawò tonga na bolangwele ba bana b’Israël o Egypte, o wango abèki mboli na bowe, na wango achakolaki bango ekielele yango bango takiela na mikwa ma wango.

Ebèki tonga n’èchingane Jacob achangizaki bana ba baphele ba Joseph, o wango abèki mboli na bowe, na wango achambelaki Nzambe na motongo kò o bocho ba wango.

Ebèki tonga n’èchingane Isaac achangizaki Jacob na Esaü tonga na machu mango otaya.