Popular Bible Verses from MENGKAAA 12

Share

Ka domenangiakono rea-Do Ana Bimba, ka hangano pau ponsakosiido. Hangano nahi dompehohawao penaado hawe a laro matea.

Ka kurongeo suara anu meroku i suruga motae, ”Kanandio-andio haweomo tekaduduia ka pabawa ka poparentaa-Do Ue Alato, ka pabawa-Do anu inurapi-Do, hangano pinetadiakoomo i totono anu mosebe ira pepaekompoto, anu mosebe ira meene ka wongi i aro-Do Ue Alato.

Ka naga langkai atuu, i ule mota'u, anu nineeako i Mosa'o ke i Satani, anu mopo'oo asa wawontolino, pinetadiako i totono; onae pinetadiako i tolino, meronga saru luwuno mala'ekano.

Onaemo pu'uno po'undemo, hei suruga ka hei luwumiu anu mpo'ia i larono, memasola komiumo, hei tolino ka tahi! Hangano i Mosa'o metiiomo ndi omiu, a laro bamburuno anu mongkokongiri, hangano ito'orio, nine tempono rangkuomo.”

Ka gagiomo peteaa i suruga. I Mikaeli ka luwuno mala'ekano metea umewaio naga atuu, ka naga atuu dompokowalio mala'ekano

Onaemo ka itekuda naga atuu a beine atuu, ka i'amba lumako meteaakono inuleno anu susua, anu mentondao luwuno songka-Do Ue Ala ka me'inio ponsakosii-Do i Yesu.

Ka tengkitaomo aasa petondoni langkai i langi: Aasa beine mesoumbuako mata'oleo, saru wula a ntoto ngkaruno ka aasa ramba-ramba ulu inso a hopulu ka orua anano wula a wawo uluno. Onae kontongaano mentia ka a laro pompemapari ka marasaino ta me'ana onae meraali mompemahaki.

Ka ipe'anaakono aasa Ana ntama, anu ta pakambiako ira tuko labu luwuno tongku; borono Anano atuu rinontu ka winawa ndi Ondae Ue Ala ka a ngkadera poparentaa-Do. Beine atuu molai i pada one, i ra'ai Dopatindaomo Ue Ala aasa po'iangano, ka ipinekaria i tu'ai asa nsowu ka rua etu ka nomo pulu oleo tehineno.

Ka tengkitaomo aasa petondoni anu susua i langi; ka kitaomo, aasa naga motaha ntu'u anu langkai, me'ulu opitu ka metandu hopulu, ka a wawo uluno hinao opitu ramba-ramba ulu. Ka ikino rumendeo asa ntia otolu inso a luwuno anano wula i langi ka metadiakono i wawontolino. Ka naga atuu mentade i arono beine anu ta me'ana atuu, ta tumeleo Anano, sa'umarino beine atuu me'anaako Ira.

A beine atuu wineeako orua panino singko langkai, ka ipenee lumako a mpo'iangano i pada one, i ra'ai ipinekaria olai inso a mpo'iangano ule atuu i larono aasa tempo ka orua tempo ka entonga tempo. Ka i'amba ule atuu mewurosiako uwoi inso a ngangano, kana langkaino korono, te'aro a beine atuu, ka ipolomoo korono atuu. Sine tolino hawe tumulungio beine atuu. Onae menganga, ka iteleo korono anu pinewurosiakono naga atuu inso a ngangano.