Popular Bible Verses from MENGKAAA 13

Share

Anu kinere i ndi'ai onaemo ponto'ori anu mentee: ba isema anu pande mosongka, moikoomo idoao doano kondehora atuu, hangano podoa atuu onaemo podoano koa asa mia, ka doano onaemo nomo etu ka nomo pulu ka onoo.

Ka luwuno mia anu mpo'ia i wawontolino ira mpesombaio, onaemo sompo mia anu mompu'u ipinokogagi wawontolino neeno nahi teburi a wunta tuwua inso a Ana Bimba anu sinumbele Iramo.

Ka hangano onae, ranta a luwuno mia, kodei ke langkai, kaea ke mongkokolaro, maradeka ke ata, pinoweeako tondonino a ngkae ngkoanano ke a ra'ino, ka nahina maupo te'asa mia anu mokompo'oli ke mo'asa sangkadio ondae anu mpopake tondoni atuu, onaemo neeno kondehora atuu ke doano neeno.

Ba isema tinantui ka itinawa, onae ta tinawa; ba isema tinantui ka ipinepateako ponai, onae asalakono pinepateako ponai. Anu kinere i ndi'ai onaemo pompedato ka pompe'ala-alado mia mempori.

Ka ku'amba kumitao aasa kondehora meluarako inso a laro ntahi, metandu hopulu ka me'ulu opitu; i wawono luwuno tanduno hinao hopulu ramba-ramba ulu ka a uluno teburi ba opia nee pompepaukiako.

Ka onae ineheako ka ipetea umewai ira mia mempori ka inangi ira; ka ndi onae pinoweeako pabawa a sompo suku ka bawaa ka pau ka tongku.

Ipopo'ooako ira anu mpo'ia i tolino hadio petondoni, anu iwineeako ka iweweuo i arono matano kondehora atuu. Ka itena ira anu mpo'ia i tolino, ka dopompontade tinaha ta pelangkaino kondehora anu mobelaako ponai, sine anu kongko tuwu atuu. Ka ndi onae pinoweeako pabawa ka ipoweeakono penaa tinaha kondehora atuu, ranta tinaha kondehora atuu mepau mbo'u, ka ipoweweu kanatuu, ranta luwuno mia, anu nahi pesombaio tinaha kondehora atuu, pinepate.

Kondehora anu kinitaku atuu mengkena kana nggapu langkai meboti-boti, ka karuno kana karuno berua ka ngangano kana ngangano singa. Ka naga atuu moweeakono rosono, ka kadera poparentaano ka pabawano anu langkai.

Ka a ngkondehora atuu pinoweeako ngangano, anu buke pompelangka-langkai ka pompepaukiako; ndi onae pinoweeako mbo'u pabawa ka iweweuo pato pulu ka orua wula tehineno.

Ka kukitaomo aasa inso a luwuno uluno kana mobela anu ta sumolangio tuwuno, sine mobela anu ta sumolangio tuwuno atuu toompa. Asa wawontolino mengkohali-hali, ka do'amba mentondao kondehora atuu.

Ka kukitao aasa kondehora susua inso a laro wita ka metandu orua mengkena kana ana bimba ka onae mepau kana aasa naga. Ka luwuno pabawano kondehora anu amba-ambano atuu ipolempao i arono matano. Hangano onae asa wawontolino ka luwuno ihino mpesombaio kondehora amba-ambano, anu tompaomo mobela langkaino.