Popular Bible Verses from Yeremia 31

Share

Inso olai Ondae i UE mepopokita ndi onae: Omue Kupehohawaakomu pompehohawa anu nahina tampulaano, onaemo pu'uno Kupotilaloakono pompehohawa-Ku ndi omue.

Hangano Ongkue moweakono roso anu mokendo, ka sompo mia anu telusa Aku wali mokorosoo.”

Sine, kanandiomo pedandia anu Kuweweuo saru suku Isaraeli umarino tempo atuu, kanandiomo pau-Do i UE: Aku numaao songka-Ku a laro nsumangado ka burio i laro aroado. Aku gagi Ue Alado ka ondae gagi bawaa-Ku. Siimo mbo'u mia paguruo pe'asa miano ke pepaekompono ka ipotae, ’To'ori Iramo i UE!’ Hangano luwudo, langkai ka kodei, ira mento'ori Aku, kanandiomo pau-Do i UE. Hangano Aku umoniniako ira salado ka nahi pinewowolo mbo'u halado.”

Menteeano, ta hawe tempono, kanadiomo pau-Do i UE, Aku mowutu pedandia wo'ohu saru suku Isaraeli ka suku Yehuda, komba kana pedandia anu Kuwutuomo saru uempu'udo i tempono Ku'inio kaedo wawa ira mpeluarako inso i wita Masiri. Pedandia-Ku atuu domehapuomo, maupo Ongkue gagi uedo, kanandiomo pau-Do i UE.