Popular Bible Verses from Yesaya 54

Share

Sompo parewa mpetea anu linabu umewaiko nahi ta mehasili, ka sompo mia anu tumuluriko a laro mpobitaraa, komokomengkaao onae sala. Onaemo tiado tetenaa-Do i UE ka menteea anu tinarimado inso ndi Ongkue, kanandiomo pau-Do i UE.

Hangano maupo dompelimba torukuno ka luwuno pongku mpelelu, sine pompehohawa-Ku nahi ta melimba inso ndi omue ka pedandia sintuwu-Ku nahi ta melelu, pau-Do i UE, anu mehohawako.

Siimo doito, hangano nahi komohawe mokoko'ii, ka siimo mokoko'ii, hangano nahi kotinata. Hangano, omue kokumolupeo pontata tempono kontelaamu, ka nahi komewowoloo mbo'u mokoko'iia tuwu beinemu.

Hangano anu ta gagi tamamu onaemo Ondae Anu Mokogagiko, UEno Luwuakoano, nee-Do; anu gagi Puu Pontolosimu onaemo Anu Tedoa Mempori Ue Alado to Isaraeli; Ondae pinau Ue Alano asa wawontolino.

Pokomaluaomo po'iangano kemamu, ka wileomo tenda po'iangamu, sii tidahio; poko'ondau iramo kolorono kemamu ka tandapako iramo pandoramu temoroso!

Luwuno anamu ira megagi ana guru-Do i UE, ka langkaiomo manangaido anamu.

A laro ntekuda anu tedoa langkai Kuwuniomo rupa-Ku sarai koa ndi omue, sine a laro mompehohawa anu nahina balino Kupehohawakomo, pau-Do i UE, Puu Pontolosimu.

Komba ta tehine Kubintako, sine hangano pompehohawa anu langkai Kuwali umalako.

Mongkona andio ndi Ongkue kana lolowi tempono i Noho. Kana Kupesumpa ndi onae nine lolowi nahi ta tumutuwio mbo'u tolino, kanatuu koa mbo'u Kupesumpa nine nahi Aku tekuda ndi omue ka nahi Aku wurasaiko mbo'u.

Aku weweuo luwuno punsuno rere watumu inso a watu delima, luwuno pewowa langkaimu inso a watu manika motaha ka luwuno rere watu petidamu inso a watu paramata.