Popular Bible Verses from Yesaya 53

Share

Sine onae tinobo hangano pe'ewato, onae pinirego hangano poweweuto anu mosa'o. Ponsepi anu mowawa tekaduduiato pinotii ndi onae, ka hangano lia-liambano ontae pinokotompa.

Ontae luwu ntesaa kana bimba, ontae singge mpo'ala salato ontaeto, sine Dopotiiomo i UE ndi onae mosa'ono wineweuto luwu.

Menteeano, hakitomo anu tinembino, ka tebobarasaiato anu tinembino, kahinaano potaeto onae ikonao pohuku, tinunduhi ka Dopokomahakio Ue Ala.

Onae tinata ka dome'olaiakono mia, asa mia anu bukeako tebobarasaia ka leleo marasai mompemahaki. Mia mbo'u domentutuwio rupado ba domengkitao; kanatuumo itinata ka ndi ontae nahi tewinso a mporeke.

Onae binobarasai, sine ipo'ineeo koroino pinokomahaki ka nahi pepau kana ana bimba anu winawa a mposumbelea; kana ineno bimba anu beebe i arodo mia anu megontio wuluno, nahi pebeeli.

Sine po'ehe-Do i UE piregoo, mokomahakio. Tewala sumangano pineweengako gagi pesomba pontolosi sala, onae ta kumitao inuleno, tinuwuno ta melai, ka po'ehe-Do i UE ta mokoweweuo.

Kana tumba onae tuwu i aro-Do i UE ka kana haka inso a wita motu'i. Onae nahi montama ke tengkita maramba ba ikinita, ka nahina a rupano anu weweu kita ineheakono.

Onaemo pu'uno, Aku tumiaakono rinontu i olodo mia anu langkai potorodo; ka onae ta tumiao rinontu meronga mia memoroso, hangano ipeweengakonomo penaano a laro matea; hangano onae mbo'u tewinso i olodo anu mpe'ewa, kahinaano onae tumembio halano mia hadio, ka mekakai tiado mia anu mpe'ewa.

Umarino masusano sumangano ta kumitao mewine ka gagi teende aroano; hangano ponto'orino, tetenaa-Ku, mia mentee atuu, ta mompokomentee hadio mia ka mosa'odo itembio.

Umarino rinako ka hinuku onae winawa lumako, isema anu merioo hapa anu gagi ndi onae? Mentee ntu'u, onae te'otuhi inso a witado mia mentuwu, ka hangano pe'ewado bawaa-Ku onae kona pohuku.

Mia menaao kaburuno i olodo mia mosa'o gauno, ka kaburuno kongko i olono mia kaea, maupo nahi pobobarasai ka pompopo'oo nahina a laro ngangano.