Hangano pompe'ala-ala onaemo i Musa, mansano langkaiomo, nahi behe ipinau anano ana beineno i Pirao, hangano inehenopo marasai saru bawaa-Do Ue Ala sekonopo anu sarai koa membasaio tuwu sanaa anu tehala. Pompokongkodeia hangano Ondae i Kerisituu ituduo gagi kaeaa anu lalu langkai sekonopo luwuno arataa i Masiri, hangano pinewowolono ipo'aroo a ntambo.
Hangano pompe'ala-ala ka ibintaomo Masiri saru nahi doitoakono tekudado mokole. Onae mekorahako mengkena kana ikitao hapa anu nahi tengkita.