Popular Bible Verses from IBARANI 12

Share

Hangano ontae hadio sakosii, kana seru anu lumimbu kita, aiwamo ka tobintao luwuno tinembi ka hala anu tedoa rumerenggoti kita, ka tompo'asao mpiha aroato mpegolo a mpegoloa anu tomentinenaako. Aiwamo tomeweweuo saru mata anu te'aro ndi Ondae i Yesu, anu wawa kita a pompe'ala-ala, ka anu wawao pompe'ala-alato atuu a sompoano, anu nahi Doperioo mokoko'iia mpo'asao aroato po'ahao keu pinotamba euno po'undea anu Dopinatindaako, anu kanandio-andio mentoro i koanano kadera poparentaa-Do Ue Ala.

Lano sompo pohuku anu iweeakita nahi powawa mawongkoa, sine masusaa. Sine lembuino ipehasiliako wua menteea anu moweeako ira sintuwu anu linatino.

Imentuwumo sintuwuako ira luwuno mia ka ime'ungkeomo memporia, hangano nahina maupo te'asa mia ta kumita Ira i Ue ba nahi mempori.

Impewowolo Ira koa mpiha, anu mo'asao aroa-Do tumembio pengengedo mia ntehala anu lansara atuu a ngkoroi-Do, ka si megagi molema ka ntelusa.

Gaagi, hangano mpontarima kita poparentaa anu nahi telelu, aiwamo tompontarimakasi ka mpesomba ndi Ondae Ue Ala montonda gau anu pinemoiko-Do, saru pompelangkai ka doito.

Tewala omiu asalakono mentarimao pontunduhi; Doweweu komiu Ue Ala kana ana. Hinaoke ana anu nahi tunduhio amano?

Hangano Ondae Ue Alato onaemo api anu mompokomo'ai.

Hangano ondae mempaguru kita a tempo anu sarai menunu saru hapa anu pinemoikodo, sine Ondae Dotunduhi kita a moikoato, ka tompohawe tia a mempori-Do.

A mpelulukumiu umewaio halamiu napi ranta mompowaa rea.