Popular Bible Verses from रोमापा 3

Share

घीझ्‍येरी ॱनाना मी घीरीगी धीक्‍पा झ्‍ये हो़तालाक धेनी को़न्‍क्षोकगी शीजेने ग्‍याङ रीङदु शो़ हो़तालाक। हीना राङगी थुक्‍जेगी रीङ मेगीन ॱनाङज्‍यीनने, को़न्‍क्षोकगी मी घीरीला ढाङपो जेदालाक। दे नी, मीक्‍याला धीक्‍पाने थारपा जेगीन, येशु मास्‍यीकागी थोक्‍ने जेदालाक।

धेनी को़न्‍क्षोकगी डुङदु होराङ ढाङपो झ्‍युङये दे, येशु मास्‍यीका खाला होरी धेपागी थोक्‍ने झ्‍युङालाक। धेनी दे नी, धेपा झ्‍यीगीन घीरीला ॱयेवा मेजेदा ॱनाङालाक।

धेनी खोङ मास्‍यीकागी कुठाक ॱली़री, धीक्‍पा सेल्‍येगी ॱमारछो़ झ्‍युङयेला, को़न्‍क्षोकगी खोङला पुवालाक। दे नी धेपा झ्‍येरी च्‍यीगा थोप्‍कीलाक। धेनी दे को़न्‍क्षोकगी राङगी ढाङतेन ॱङो़न्‍येगी क्षीदु जेपालाक घीझ्‍येरी ॱनाना एम्‍मा को़न्‍क्षोकगी शो़पा जेदी, मीक्‍याई झ्‍येजा धीक्‍पाक्‍याला छेपा का माजेपालाक। हीना खोङबाराङ ढाङपो हीन्‍गीन धाङ येशुला धेपा झ्‍यीगीनक्‍याला खोङबागी ढाङपो जेयेगी क्षीदु, खोङबागी धान्‍दागी धी़ला मीक्‍याई धीक्‍पाला दो़नाङ जेदालाक।

होझ्‍येरी क्षो़ठीमगी लेगाने सुवा, को़न्‍क्षोकगी डुङदु ढाङपो चीगीमालाक। हीना क्षो़ठीमगी थोक्‍ने होरी, धीक्‍पा झ्‍यीगीनगो स्‍येरु च्‍युक्‍वालाक।

सुङरापला देरे ढीक हो़तालाक, “ढाङपो सुवा मीदुक, च्‍यीगारा च्‍यीया मीदुक, ॱहाघोगीन च्‍यीया मीदुक, को़न्‍क्षोकला चागीन सुवा मीदुक। घीरीगी खोङला ग्‍याप ॱलोक्‍दुक, घीरी दो़न मेगीन झ्‍युदुक, शाङा झ्‍यीगीन सुवा मीदुक, च्‍यीगारा च्‍यीया मीदुक।”

घीझ्‍येरी ॱनाना क्षो़ठीमगी सुङगीन च्‍योक्‍रे, लेगा झ्‍येरी मेन्‍दा हीना धेपागी थोक्‍ने मीक्‍या को़न्‍क्षोकगी डुङदु ढाङपो झ्‍युङालाक ॱनेरी, होराङ चीलालाक।

हुरे फुक्‍की झ्‍युङगुमालाक। मी घीरी शोक्‍पो हो़ना, को़न्‍क्षोक धेन्‍पा हुङघो़। दी कोरला सुङरापला देरे ढीक हो़तालाक, “खेराङ कामो़न सुङाराङ धेन्‍पा ॱङो़न्‍दास्‍योक, धेनी खेराङला ठीम चेदाराङ ग्‍यालास्‍योक।”