Popular Bible Verses from Romanos 5

Share

Koka Eniapom Neten hengelvetaskaskek akiavai'a nkek hengellamelaiam ngkanek apkapaskangkek Cristo kakpota enietsepok hengiaqmoiekha ennengko'o neksa nellanekamok ngkollatsekama.

Ka akietno la ennengko'o nenvaskapekho nak, ntepkaskek na akiennaktema nenieplavkeskama, ka akietno la akiennaktema nenieplavkeskama, nkotiepok hata nhan al·halhnekama engvalho'ok angvetak hata aptemakha apeneskamo aplheianma Eniapom Neten, ngkanek apkellanengke lhta engelvalho'ok nengasekhai'o nak aniem'o Espíritu Santo.

Nkelpaihakhek na engelvalho'ok ngkanek ntepkaskek na nenvaskapekho neksa akvai'a la akientalhnema. Ka akietno la ennengko'o nenvaskapekho nak, ntepkaskek na akiennaktema nenieplavkeskama, ka akietno la akiennaktema nenieplavkeskama, nkotiepok hata nhan al·halhnekama engvalho'ok angvetak hata aptemakha apeneskamo aplheianma Eniapom Neten, ngkanek apkellanengke lhta engelvalho'ok nengasekhai'o nak aniem'o Espíritu Santo.

Hengeltemeskeskangke lhta panke nengelpeivomo Eniapom Neten aniem'o mongeliaskeiam, kolhva koka nentangkokhak nellasekhekho Eniapom Neten aniem'o m'a Apveske engankok Jesucristo. Kolhva envanka'ak angelteteskakhak na apnakha m'a, angelletsevasama nhan aniem'o m'a. Nkelpaihakhek engelvalho'ok kolhvave nak ngkanek alel·halhnekama engvalho'ok angelvakhak hata apnakha m'a kakpota nhan ma'a ampasmekhak hata qaselha altaqmanma Eniapom Neten apanko'ok.

Mongeliennaktema lhta sekhe lhta ennengko'o, nkaqhok koka apketsepme lhta apankek Cristo henianmoma m'a.

Kolhva koka hengeltemeskeskamak nengelpeivomo Eniapom Neten aniem'o apketsepma Cristo, have ta nha niapak ngkotnek hengelvongkesek tep ma'a akvo'o ta aknem nengeliekpelkammalhkelha.

Lhema enenlhet alhta apmanie panke meliehekho apkaskamakha Eniapom Neten, hengeltemeskeskamo nhan ennengko'o mangeleliehekhok. Netamen na lhema aphapak apanke lhta nhan enenlhet apkeliehekho apkaskamakha Eniapom Neten, hengeltemeskeskamo nhan ennengko'o nengelpeivomo m'a.

Nkelpaihekhavek koka engelvalho'ok kolhvave nak ngkanek hengenmekho mokhom takha Eniapom Neten aniem'o Apveske engankok Jesucristo.