Popular Bible Verses from Romanos 4

Share

Koka mankapvanke lhta niekhe etak apketka Abraham ma'a, apvaneiam apanke lhta songkek, malha 100 anio apanko lhta m'a. Iennaktema naie' lhta nhan aptava Sara, koka ma lhta nkoietnammalhkak napa'at ma'a aniem'o avanhe lhta mei'askeiam aktemakha apeneskamo apaivoma aplheianma Eniapom Neten eniangkok hata ma'a, netamen aptemo lhta nhan ma'a gracias Eniapom Neten. Apiamave panke lhta Abraham Eniapom Neten apvankek eieplavkesek aptemakha lhnak nanek apeneskamo apaivoma aplheianma eniangkok hata.

Ka ktemo nak na aktalhesammalhka Vakkahak Eniapom Neten apaivoma hengke'e: «Astemeskaskek lheiap apiapma'ak aplhamakho apkellavakha lhmankek ham» lhnak nane ntemak ania'a. Man nak ei'askeiakmok Abraham Eniapom Neten, apto akietnema apmopvana apanke, enaklhatekhaskamok na apkenmaskengvaiakmo, apvankek na elhenek qaselha amanie nkovak hata.

Apto lhta nhan ma'a nema ankongvaiam kakpota ematong hengiaqmoiekha ennengko'o aniem'o nellanekamo nkollatsekama. Netamen nemo nhan aklhatekhaskeiakmo kakpota hengeltemeskesek nengelpeivomo m'a.

Mmaskenkek nak al·halhnekama apvalhok Abraham nkotak hata atka aptava, koka mei'askeiakmok Eniapom Neten apmopvana elanak aptemakha lhta apkeltennaskama ngkotnek hata apiaihekama Abraham, lhnak nanek aptemak Eniapom Neten apkanemo m'a: «Aplhaniek hata etnek aptavana'ak neptamen lheiap» lhnak nanek aptemak apkanemo.

Aptemakha lhnak nanek apeneskamo aplheianma Eniapom Neten ellangkok hata, apketlhevangkek ma'a aplhamakho aptavana'ak neptamen Abraham aniem'o la meliaskeiam, metka akianmoma. Apkellelto nak judios akietnema ley Moises kakpota nhan aplhamakho enenlhet'avok lhma nkek ham aknangko la nhan meliaskeiam malha aptemo lhnak nanek na Abraham, apto nhan malha eniapma'ak nenlhamakho nengelelto nak mongeliaskeiam.

Lhnak nanek aptemak: «Aktaqmelakho nkek enenlhet apteskesaikama la apankek Eniapom Neten meliehekho apkaskamakha m'a, malha nhan apkapkeskeskama la qaselha ngkollatsekama apkelanai'a m'a. Aktaqmelakho nkek na enenlhet melhenkeskekho Eniapom Neten meliehekho apkaskamakha m'a»

Koka nietnek aktalhesammalhka Vakkahak Eniapom neten apaivoma hengke'e, ka ntemak: «Mei'askeiakmok Abraham Eniapom Neten, aplheianmo nhan apto apeivomo m'a» ka ntemak ania'a m'a.