Popular Bible Verses from Romanos 6

Share

Nelan'o la ngkollatsekama nak, ngva'ak na nengetsepma nak. Koka Eniapom Neten na hengellangkok aliennaktema ennenio'ok mankotnengvaianlha nnelha metka akianmoma aniem'o Apveske engankok Cristo Jesús.

Ka apkellanengko la m'a astakha lhkek alheianma, mmaskek anmangka ngkollatsekama, mmaskek na apkellava koneng ley, kolhva koka apkelloka koneng aktaqmanma nak hengellanei'o Eniapom Neten.

Neksa lhta nema hengellavkesaikamok konne iemmen, malha lhta nha ntemak nelkatonnammalhka lheme Cristo m'a, malha lhta nhan neletsepma lheme. Koka akmaskemakha lhta nhan hengenmaikama mongeliamolhma m'a, kolhva koka envanka'a mota angellanangkok qaselha altaqmelo, nnavek ma'a Cristo aplhatekhangveiakmo lhta apieseksek apkenmaskengvaiakmo aniem'o akiavai'a apmopvana Eniapom Neten.

Mellankehek na mokhom apkeliokha nak nkollaneskasangkok ngkollatsekama, ngkanek malha apkeletsepmo lhemek Cristo, mmaskek na anmangka maniamolhma nak. Kolhva koka nnangkok ketlhengkap alhnankok apkellangiemhaikama, ntasek ellangkok apkeliokha m'a Eniapom Neten kakpota nkoliennak apiempeiok ellanangkok qaselha altaqmelo.

Neliavek ennengko'o alvaneiam alhta engelvalho'ok nketsepmek lhemek ma'a Cristo akieto neten iamet aktenneskama, mmaskek na hengenmangka ngkollatsekama nak.

Kotlheng apkelvalho'ok ketlhengkap malha apkeletsepmo lhemek Cristo, ka nkeniemai'ak mankollapvankek mokhom eltemengvakho lhma. Vanlha koka apvanka'ak ellanangkok akleklemelha la apvalhok Eniapom Neten aniem'o apkelpasmekha m'a Cristo Jesús.

¿Se lha atlheianma apvalho'ok ketlhengkap ke, ntase nlho niekhe angetlhengkesek nengellanekamok la ngkollatsekama kakpota nkoiavangkok na aktaqmanma hengellanei'o Eniapom Neten, he? ¡Mma'! Mmaskek nellanengko ngkollatsekama, mankoietok angelieplavkesek mokhom nellanekamok ngkollatsekama.

Apkeliavek ketlhengkap apkellelto nak nema allasennaikama nema apkelianmoma apkeleliahakhave mota apveske apanko'ok. Ka aptangko la aveske apanko'ok akvesai'a nak ngkollatsekama, eletsepok hata ketlhengkap ma'a, koka aptangko la apveske apanko'ok Eniapom Neten, elloka ta nha mota apkellanekamok qaselha akpeivomo.

Lhennenga lhta ketlhengkap allasennaikama nema apkelianmoma ankok ngkollatsekama, kolhva koka apvanka'a eleliehekhok hengetlhekmoskama aktaqmanma apketlhevai'a lhta aniem'o apkelpasmoma Eniapom Neten. Nne lhta alpaqnengkasakho neksa anmaikama ngkollatsekama ketlhengkap, kolhva aptaikokho allasennaikama qaselha akpeivomo.