Popular Bible Verses from Filipitɔnŋ kiri 3

Share

Míŋ tindaŋ ni, míŋ ǹʼtɛ ŋí i ǹʼbi, ńʼtu míŋ nafaamaan i kì dɛ! Nka míŋ i bi tenŋ ma-a : míŋ i ńʼɲakili san-a ńʼwɔ bi mamaan fwuudemaan kiri sun, ŋí i cɛɛn-ni ńʼfaan ki bataa wu ńʼjɛŋ bi kiri cɛfan. Míŋ i niŋ bili ki tan-a ńʼɲaniŋ i ji ńʼbili ŋuŋ ki ra, nwɔma ŋí i jali kila, Kirinŋ yibɛɛ dɔri-i ninwɔ̀ bira kirinpɔli ki ra Kirisa sababu ra.

Míŋ i finŋ wɔ̀ ceeli-la, niŋ i kaa : ŋí i Kirisa tɔ, sotinbi wɔ̀ ntiŋ ŋmɛni-i, ŋí i niŋ tɔ, ŋí i ńʼwɔ lu kila ntiŋ wɔ ɲaanfɛkwulu ki ra, ŋí i ji ntiŋ bishi i, hali beŋ ki ra, nwɔma a ǹʼji ɲaan woo ɲaan tɛ, míŋ yɛri ki i na ŋmɛni po san konkwuu kiri ru.

Sɛli ki ra, finŋ bataa i míŋ gbɛ ǹʼtawɔ ɔ, Kirisa bi ki bira. Míŋ ńʼkaan-a finŋ pyɛ kiri bataa tɛ, ŋí i yìrì ji miŋ tu shinŋ sun jɛ ri i, nwɔma ŋí i ńʼŊuntiŋ Yesu Kirisa tɔ

Míŋ wuru tɔnɔ kila-a niŋ bi kiri finŋ woo finŋ nu fɔlɔfɔlɔ, dɔnsaŋ, Yesu Kirisa bira, nini bataa ji-i bi tawɔ ri i, míŋ ɲaanna.