Popular Bible Verses from Filipitɔnŋ kiri 2

Share

Á fa bi dantenŋ ma manjan ɲakili walima yɛri ji ɲakili wu kì. Nka á á yɛri sunjɛri, á i koŋ bataa pari á yɛri wu. Á fa á yɛri nafan bantenŋ ceeli-li kì, nka koŋ fɔn tenŋ tenŋ a kaashi kiri nafan ki ceeli-li sɛbɛ.

Ka ɲakilila ka wɔ̀ wuru Yesu Kirisa ciiru, niŋ bishi ki ji ábɛɛ bataa ciiru.

Ntiŋ ɲaan ki fa Kirinŋ ɲaan ki wuru tenŋ i, nka ntiŋ niŋ ji bi sinaŋ i, ntiŋ i ǹʼbi tu a ra a yɛri pyi Kirinŋ wu kì. Ntiŋ niŋ bataa tu-i nmaŋ, ntiŋ i a yɛri ji miŋ tu joŋ, ntiŋ i ji konanmini i. Konanmini i ntiŋ ji. Ntiŋ i a sunjɛri, ntiŋ i Kirinŋ wulu pa, fɔ ntiŋ i a tu ntiŋ i beeni, hali kpinkpisuu sun beŋ ki fɔn na.

Sabu Kirinŋ yɛrima ki i faan ki wɔri-ra ábɛɛ tɛ, á i so á tu-i, niŋ fa á i so kila, á i ǹʼdintɛ bi ki ma-ni.

Niŋ ki ra, Kirinŋ i ntiŋ fɛshi, ŋì i ntiŋ sɔɔ finŋ kiri bataa ŋununu, ŋì i tɔ wɔri ntiŋ tɛ, tɔ wɔ̀ gbɛ-i tɔ kiri bataa wu. Ŋì i niŋ ma-i, nwɔma tu Yesu tɔ ki dɔri mani woo mani nu, finŋ woo finŋ i kirinpɔli ki ra, niŋ fa pwɔkulinŋ ki sun, ŋì i ta bo pwɔkulinŋ ki fɛ finŋ kiri sun, nini bataa i arì kwushiri, yìrì i ǹʼgbɛ. Niŋ fa tu nɛninɛŋ ki bataa i a tu ǹʼna, tu Yesu Kirisa Ŋuntiŋ ki i, nɔɔri i bili Tiŋ Kirinŋ tɔ ki sun.

Á fa áwɔ bi dantenŋ ma ŋununu wulu fa sɔsɔɔlinŋ wu kì, nwɔma á i ji koŋ fɔɔmaan pɔlibali li i, Kirinŋ daŋ pɔlibali li ka juniɲa ka ru koŋ kɛrimaan tɔɔnnufuru kiri kanfɛ. Á ncusun á sarinŋ ki i cu kí kanfɛ, miŋ tu lanpaŋ sarinŋ.

Niŋ ki ra, míŋ tindaŋ byii ri, á Kirinŋ wɔ wulu ki pa tu, miŋ tu ábɛɛ ǹʼma-i waarinŋ bataa ru ɲaan wɔ̀ tɛ. Ŋì i míŋ tu ábɛɛ kanfɛ, ábɛɛ ǹʼwulu pa-i ɲaan wɔ̀ tɛ, dɔnsaŋ míŋ maŋ narimaan ki i tu ábɛɛ ra, á ji ǹʼwulupatiiri i, ŋì i fwuu niŋ sun. Á á mwu bi ki baara ki ma Kirinŋ jɛŋ kɛmi fa sɛrɛsɛri wu.