Popular Bible Verses from Filipitɔnŋ kiri 4

Share

Á fa á gbɛɛratɛɛ finŋ tɔri tenŋ bira kì, nka finŋ woo finŋ bi i ábɛɛ ra, á niŋ bataa ceeli Kirinŋ gbɛ. Á baraka bi ǹʼtɛ, finŋ woo finŋ bi i ábɛɛ ra, á i niŋ nafɛ ǹʼgbɛ.

A niŋ ma, Kirinŋ wɔ ɲaanfɛfili wɔ gbɛ-i konanmini wɔ tɔbi sun, ninki a na ncusun ábɛɛ ciiru ki fa á ɲakili ki bataa i tu Yesu Kirisa wɔ tenbi ki ra.

Niŋ bataa kɔɔtɛ, míŋ tindaŋ ni, finŋ woo finŋ i sɛli i, gbɛbi i finŋ woo finŋ nu, finŋ woo finŋ teli-i, finŋ woo finŋ fɔɔ-ɔ, finŋ woo finŋ di-i Kirinŋ tɛ, finŋ woo finŋ tɔ shɔɔrinŋ po-i, finŋ woo finŋ shɔ-i niŋ fa tɔ shɔɔrinŋ i kila-a finŋ woo finŋ nu, á á ɲakili tu niŋ finŋ kiri bataa ra.

Míŋ i so-a bi bataa ra Kirisa bira, ninwɔ̀ i so ki wɔri-ra míŋ tɛ.

Á á ciirudi waarinŋ bataa ru Ŋuntiŋ ki bira. Míŋ a ńʼpwulu ǹʼsun sɛbɛ, á á ciirudi.

Mɔ́ɔ́n Kirinŋ ki a na ábɛɛ makufinŋ kiri bataa wɔri á tɛ, ŋì i kɛɲɛ ǹʼwɔ fintinbi rafaamaan ki wu Yesu Kirisa baraka ra.

Míŋ ábɛɛ kini-i bi wɔ̀ri ra, niŋ fa ábɛɛ mabi wɔ̀ri kila-i míŋ gbɛ, niŋ fa ábɛɛ bi wɔ̀ri rama-i míŋ tɔnŋ na, á i ńʼja nwɔ̀ri ma-a, á nini ma-ni. A ábɛɛ niŋ ma, Ɲaanfɛfilitiŋ Kirinŋ ki a ji ábɛɛ fan.

Á ncusun konaŋ kiri bataa i áwɔ tɔnsunfili ki tɔ, sabu Ŋuntiŋ ki myɛ-ɛ.

Míŋ gbɛwɔ i woo, walima míŋ gbɛ faamaan i woo, míŋ ńʼyɛri paka tɔ-i ǹʼfɔn nu. Ɲaan bataa tɛ, miŋ tu míŋ pyii-i woo, bɛɛ míŋ wu woo, míŋ i ǹʼbataa ɲaantɔ-a. Ŋi i ji fintiŋ i walima ŋi i ji gbɛwɔ ɔ woo, míŋ ńʼkini-i ǹʼbataa ra.

Míŋ ka bi-a ábɛɛ tɛ, ŋí i ńʼwɔ gbɛwɔbi wulu bi-ri á tɛ kì dɛ! Niŋ i kì, sabu mɔ́ɔ́n kila ki ji ɲaan woo ɲaan tɛ, niŋ i míŋ pyii-ra. Míŋ ńʼyɛri kini-i niŋ na.