Popular Bible Verses from Efɛsitɔnŋ kiri 5

Share

Dɔnsaŋ, miŋ tu ábɛɛ i Kirinŋ daŋ ni i, á bi i ji di ǹʼtɛ, á ji ǹʼnakitiiri i. Ábɛɛ mabi kiri bataa ru, á á kaashi ki bidi á tɛ ǹʼbataa ru, miŋ tu Kirisa i ábɛɛ bidi-a a tɛ ɲaan wɔ̀ tɛ, ŋì a yɛri ki wɔri-i saraka Kirinŋ tɛ yibɛɛ ŋunfɛ, niŋ fani i di Kirinŋ tɛ.

Á á yɛri cɔye, á i á tirikanŋ ki tɔ. Á fa ji ɲakili bali li i kì, nka á ji ɲakilitiŋ ni i. Kirinŋ waaci wɔ̀ wɔri-i ábɛɛ tɛ, á baara shɔɔrinŋ ma niŋ ciiru, sabu jiŋ sunŋ ki shɔ kì.

Á fa á yɛri ɲaannafini lɔ wu kì, niŋ i koŋ ɲini ki li-a, nka á faa Ɲiniwɔlinŋ ki ra. Á shupɔri ámaŋ tɛ, ŋì i po Kirinŋ tɛ shu kiri ru, niŋ fa Kirinŋ wɔ shu kiri ru, niŋ fa Ɲiniwɔlinŋ ki shu wɔ̀ri wɔri-i. Á niŋ shu kiri pɔri Ŋuntiŋ ki tɛ, á i ǹʼgbɛ á ciiru ki bataa wu. Á coolinŋ wɔri Tiŋ Kirinŋ tɛ waarinŋ bataa ru, finŋ bataa bira yibɛɛ Ŋuntiŋ Yesu Kirisa tɔ ra.

Niŋ ki ra, á fa ji koŋ ɲakili bali li i kì, nka á á banba, á i á tɔɔnye, nwɔma á i Ŋuntiŋ ki dintɛ bi ki tɔ.

Nwɔ̀ i ábɛɛ shuru kiri i, koŋ fɔn awɔ mari bidi a tɛ, miŋ tu Kirisa bilinatɔnŋ kwuru ki bidi-i a tɛ ɲaan wɔ̀ tɛ, fɔ ntiŋ a yɛri wɔri, ntiŋ i beeni ǹʼbira

Ábɛɛ wuru mancinŋ i sun, nka dɔnsaŋ ábɛɛ i manisarinŋ i Ŋuntiŋ ki ra. Niŋ na, á tiri miŋ tu manisarinŋ daŋ ni.

Ábɛɛ wɔ̀ri i kɛni-na Kirisa jɛŋ, á á sunjɛri ámaŋ tɛ.

Ábɛɛ mari kiri, á á kulu á shinŋ kiri tɛ miŋ tu ábɛɛ i á kulu-la Ŋuntiŋ ki tɛ ɲaan wɔ̀ tɛ

Nka, ǹʼyɔ bi-a ábɛɛ bi sun sɛbɛ, ábɛɛ shuru kiri bataa tenŋ tenŋ kakan-i, á i áwɔ mari ki bidi á tɛ, miŋ tu á yɛrima kiri, tu mari kiri fani i arì shinŋ kiri gbɛ-ri.

Niŋ ki ra, ǹʼsɛbɛ-i Kirinŋ wɔ wulu sɛbɛ ki ru tu : « Shuru ra na a san a tiŋ fa a ɲiŋ na, tu ntiŋ i ta a da awɔ mari ki ra, tu kí koŋ fuuli ki i ji koŋ tenŋ i. »

Konaŋ kiri i bi wɔ̀ri ma-a mancinŋ ki ru, á fa á kanŋ de nini nu fyewu kì, nka á kɔ́ɔ́ bi kulinŋ kiri ji kí wu manisarinŋ tɛ.