Popular Bible Verses from Efɛsitɔnŋ kiri 4

Share

Á ámaŋ sunmakwulupa, á i shɔɔrinŋ ma koŋ bataa tɛ. Á i ámaŋ wɔ pɔli tu ámaŋ tɛ, miŋ tu Kirinŋ ábɔɔ pɔli kiri tu-i a tɛ Kirisa wɔ bi mamaan ki bira ɲaan wɔ̀ tɛ.

á i á yɛri sunjɛri bi bataa ra, á i á tɔnsunfili ámaŋ tɛ, á i ji koŋ nduujii ri i, á i ámaŋ wɔ bi kwun ámaŋ nu bidintɛbi wu.

Wulu kulinŋ fa po ábɛɛ tɔnŋ na kì, nka á wulu shɔɔrinŋ bi, nwɔ̀ a ye koŋ tɔri ki tɛ, ntiŋ i ta jɛŋ Kirinŋ wɔ saa ki fan. Á wulu fumaan ni bi-ri, nwɔ̀ri a shɔɔrinŋ ma arì ramatɔnŋ kiri tɛ.

Niŋ ki ra, á saabi ki po san á ciiru, á fa tɛɛ tu á ciiru koŋ cɛfan kì, á fa á tɔnkwulu kì, á fa koŋ fa kari kì, á fa koŋ ki kì. Á siri fa juubi ma kili kì!

A ábɛɛ tɔnkwulu, niŋ tɔnkwulu ki fa á po bijɛ ma sun kì. Sunŋ ki fa fyiri á tɔnsunfilibali kì. Á fa saa wɔri shitaanni tɛ kì.

Niŋ ki ciiru, ábɛɛ wuru tiri-ra ɲaan wɔ̀ tɛ fɔlɔfɔlɔ, á niŋ tirika ɲaan ki tɔnbo pewu, á fa á ɲaninpo niŋ bi bwuu kiri tɛ kili kì, ninki i konaŋ kiri fɔni-na, ŋì i kí haliki-ri. Niŋ ki ra, á á ciiru ɲakili kiri rapwulu, yìrì i ji ǹʼŋunaŋ ni i. Á sɔŋ ŋunaŋ de á ru, ninwɔ̀ i Kirinŋ dintɛ wɔ ki i. Niŋ sɔŋ ŋunaŋ ki i tɔ-a yibɔɔ ɲaninkulutɔnbi ki ru, telibi fa wɔlɔnbi wu, sɛli ki i nini wɔ̀ wɔri-ra.

Ábɛɛ tenbi wɔ̀ kila-i Ɲiniwɔlinŋ ki bira, á á banba, á i tu ɲaanfɛfili ru niŋ tenbi bi ki ru.

Mìŋ Kirisa tenŋ ki ǹʼbɛɛ ri ji-i awɔ cindaŋ ni i, ŋì i ǹʼbɛɛ ri ji Kirinŋ wɔ cintɔnŋ ni i, ŋì i ǹʼbɛɛ ri ji Wulujii sunjotɔnŋ ni i, ŋì i ǹʼbɛɛ ri ji bilinatɔnŋ kiri maritiiri i, ŋì i ǹʼtɔri ri ji bilinatɔnŋ kiri wɔ kalimɔɔ ri i. Ŋì niŋ bataa ma-i, nwɔma nini i ye Kirinŋ wɔ konanbi ki tɛ, kí i so ǹʼwɔ baara ki maka shɔ-i, ǹʼbɛɛ i bo Kirisa firi ki gbɛbi ki sun. Niŋ ɲaan ki tɛ, yibɔɔ bilinabi ki fa yɔɔ Kirinŋ Danshuru ki tɔmaan ki bira, yibɛɛ bataa ra na ji tenŋ i, yi i kɔɔ, yi i ji koŋ nafaamaan ni i, miŋ tu Kirisa.

Niŋ na, yibɛɛ ra tu tiraŋ ni i kili kì. Koŋ wɔ̀ri i konaŋ kiri sunnɛɛn-na puru kiri fa namarinŋ wulu kiri wu, nini a so yibɛɛ curu san-i saa shɔɔrinŋ ki sun kì, kí i yi i fifa de-ri kɛlinŋ ki fɔn tɛ kì, miŋ tu ju fa faa i buŋ curu-ra ɲaan wɔ̀ tɛ. Nka, yi sɛli ki bi yimaŋ tɛ bidintɛbi wu, a niŋ ma, yibɛɛ ra so ta-i jɛŋ Yesu Kirisa wɔ tenbi ki ru, ninwɔ̀ i bilinatɔnŋ kwuru kiri ŋununtiŋ ki i.