Popular Bible Verses from Efɛsitɔnŋ kiri 6

Share

Sabu yibɔɔ kwurukwuru ki ye-a konanmini ni wu kì, nka yibɛɛ fa ɲinijɛ kiri fa arì ŋununtiŋ kiri i ǹʼye-a, nini wɔ̀ri i sotinbi kiri fa barakatiŋ kiri i, nwɔ̀ri sɔɔ juniɲa ka ŋununu mancinŋ ki ru.

Á Kirinŋ nafɛ waarinŋ bataa ru Ɲiniwɔlinŋ ki wɔ sotinbi ki wu. Á fa yɛli niŋ na kì, á tu Kirinŋ nafɛ ki ra waarinŋ bataa ru, á i Kirinŋ nafɛ-ri Kirinŋ wɔ wɔlinŋ kiri bataa tɛ

Kirinŋ kari tanfinŋ wɔ̀ri wɔri-i ábɛɛ tɛ, á yìrì bataa shi bo á sun, nwɔma á i so tu-i, á i shitaanni wɔ daalinŋ kiri kari.

Niŋ ki ra, á Kirinŋ wɔ kari tanfinŋ kiri bataa shi dɔɔ, nwɔma a waaci furu kiri na na waarinŋ wɔ̀ ru, á i so kila ɲa ki sun, á i ǹʼkari, fɔ á i ǹʼso a daŋ na, ŋì fa na so ábɛɛ san-i á ta ru kì.

Bilinabi ki ji áwɔ mwɔnjɛnsuupee ki i waarinŋ bataa ru, á niŋ ma, ábɛɛ ra so shitaanni wɔ mwɔŋ tuutiŋ kiri ŋununafu-i, á i yìrì byi ninki wu. Á Kirinŋ wɔ koŋ mwu bi ki ji a ŋununa peebunfila ki i, á i Ɲiniwɔlinŋ ki wɔ kari tan baamwuru ki shi, ninwɔ̀ i Kirinŋ wɔ wulu ki i.

Á tuka shɔ ǹʼjɛŋ. Á sɛli ki ji áwɔ nukɔliyaa ki i, á i telibi ki ji áwɔ peejɛrɛbi ki i. Kirinŋ wɔ Wulujii wɔ̀ i ɲaanfɛfili ki wɔri-ra, á i niŋ sunjorama ki ji a kanŋ na kari.

Mɔ́ɔ́n wulu lakɔɔra ki i kaa, tu á baraka de á yɛri ru, ŋì i po Ŋuntiŋ ki wɔ sotinbi sinaŋ ki ru.

« Nʼtiŋ ki fa nʼɲiŋ ki gbɛ. » Kirinŋ wɔ sariya ki ru, cinŋ wɔ̀ bi-i, tɔnwɔri i bili ǹʼsun, ka i niŋ cinŋ bimaan ki jɔnɔ ki i. Niŋ tɔnwɔri ki i tu : « Nwɔma ŋi i ɲaanfɛfili kila, niŋ fa ŋi i shi ŋmani kila pwɔkulinŋ ki sun. »

Tiraŋ ni, á ǹʼma Ŋuntiŋ ki bira, á i á jifinŋ kiri wulu pa, sabu ninki fu-i.