Popular Bible Verses from Korɛntitɔnŋ kiri (2) 4

Share

Niŋ ki ra, yibɛɛ ɲaniŋ finŋ ja wɔ kiri ra kì, nka yibɛɛ ɲaniŋ i finŋ jabali kiri ra. Finŋ wɔ̀ri i ja-a, nini bataa i kɔ-a, nka finŋ jabali kiri kɔ-a kì, nini i nmaŋ waarinŋ bataa ru.

Niŋ ki ra, yibɛɛ yi firi kilɛn-a fɛsɛfɛsɛ kì. Hali yibɛɛ firi ki baraka ji kɔ ta-a, jibi woo jibi, Kirinŋ i baraka ŋunaŋ wɔri-ra yibɛɛ ɲini ki tɛ. Sɛli ki ra, yibɛɛ i cɔɔri wɔ̀ kila-a dɔɔ, niŋ gbɛ-i, nka niŋ finŋ tɔri kì, sabu yibɛɛ ra ta gbɛbi wɔ̀ kila niŋ cɔɔri ki bira niŋ gbɛ-i kusɛbɛ, ǹʼfani dumiŋ kɔ-a kì.

Konaŋ kiri i ɲaanfɛkwulu bi kwuru ki bataa sɔɔ-ra yibɛɛ sun, nka yibɛɛ baraka ki kɔ-a kì. Yibɛɛ ciiru ɲakili ki i ɲaanmi-a, nka yi kwuru-ra yi gbɛbilimaŋ ki ra kì. Kí yibɛɛ cɔɔri-i kusɛbɛ, nka Kirinŋ yibɛɛ tu yi cinancinŋ kì, kí i yi bwɔ fɛɛn fwuniŋ sun, nka yi beeni kì.

Nka niŋ nafulu sinaŋ ki i yibɛɛ gbɛ, yibɛɛ wɔ̀ri baraka rakuru-i miŋ tu jɔduŋ, nwɔma konaŋ kiri i ǹʼtɔ tu niŋ sotinbi sinaŋ ki po-a yibɛɛ ru kì, nka tu ŋì po-a Kirinŋ gbɛ.

Niŋ koŋ kiri bili-la Kirinŋ na kì, sabu ka juniɲa ka ŋununtiŋ ki, ninwɔ̀ i shitaanni ki i, ninki kí ciiru ɲakili kiri rala-i, nwɔma kí fa Kirinŋ wɔ Wulujii ki sarinŋ ki ja kì, niŋ Wulujii ki wɔ̀ i Kirisa nɔɔri ki ji-a, ninwɔ̀ i Kirinŋ ɲaan ki ji-a.

Mìŋ Kirinŋ wɔ̀ ki ǹʼbi wuru tu manisarinŋ ki po mancinŋ ki faninmwuŋ, mìŋ tenŋ ki i manisarinŋ ki po-a yibɛɛ ciiru tɔnŋ kiri ra, nwɔma ǹʼwɔ nɔɔri sinaŋ wɔ̀ i Kirisa ra, yibɛɛ i niŋ tɔbi ki kila.