Popular Bible Verses from Korɛntitɔnŋ kiri (2) 5

Share

A konwɔtiŋ fa Kirisa dɛbɛ, nintiŋ i ji-a miŋ tu koŋ ŋunaŋ, finŋ woo finŋ i ǹʼbwuumaan, niŋ bataa i fɔni-na, finŋ ŋunaŋ ni i na.

Kirisa wɔ̀ ki bijɛ ma kì, Kirinŋ awɔ kiti ki fɛɛn ninki sun yibɛɛ bijɛmatɔnŋ kiri ta ru, nwɔma yi i ji koŋ telimaan ni i a ɲaanfɛ Kirisa bira.

Yibɛɛ ɲaniŋ tu bi kari ra, yi i kila yi i yi tu yìrì ra kì, nka yibɛɛ yi tu-i yìrì ra bilinabi ki baraka ra.

Niŋ bataa i po-a Kirinŋ nu, ninwɔ̀ ki yibɛɛ fa a faninmwuŋ ki ramɔni-i Kirisa baraka ra, ŋì i kila ŋì i niŋ faninmwuŋ namɔni baara ki biye yibɛɛ gbɛsun. Kirisa bira, Kirinŋ niŋ fu ki de-i a fa konanmini faninmwuŋ, ŋì i kɔ́ɔ́ bi kulinŋ kiri tu kí tɛ. Ŋì ninki wulu sunjorama ki baara ki wɔri-i yibɛɛ tɛ.

Niŋ ɲaan ki tɛ, yibɛɛ i Kirisa wɔ koŋ sɔɔmaan ni i ábɛɛ faninmwuŋ, ŋì i ji miŋ tu Kirinŋ wulubi-a ábɛɛ tɛ yibɛɛ tɔnŋ na. Niŋ ki ra, yibɛɛ i ábɛɛ rafɛ-a, á ǹʼma Kirisa tɔ ki bira, á fa Kirinŋ i fu.

Ntiŋ beeni-i konaŋ ki bataa ta ru, nwɔma tu nwɔ̀ri i arì ɲaanna, nini fa tiri ŋì i kɛɲɛ arì dintɛ bi wu kili kì, nka kí i tiri ŋì i kɛɲɛ Yesu dintɛ bi kiri wu, nka ŋì i ma-a Yesu tɛ, ninwɔ̀ beeni-i ntiŋ i ŋmɛni kí bira. Niŋ ki ra, yibɛɛ koŋ tɔri tenŋ shɛɛli-la konanmini wɔ shɛɛlika ɲaan tɛ kili kì. Niŋ kɔri ki i tu, yibɛɛ konanmini kɔɔsun ki shɛɛli-la kili kì duu ntiŋ ciiru ki. Hali yibɛɛ ji wuru Kirisa bi ki shɛɛli-la kɔɔsun bi kiri ra fɔlɔ, dɔnsaŋ yibɛɛ ǹʼshɛɛli-la ninkunŋ kili kì.

Sɛli ki ra, yibɛɛ i bi finŋ woo finŋ ma-a, yibɛɛ i ǹʼma-a, sabu yibɛɛ ǹʼtɔ-i tu yibɛɛ bidi Kirisa tɛ haali. Yibɛɛ bili-i ǹʼna tu ntiŋ tenŋ pe beeni konaŋ ki bataa ta ru. Niŋ kɔri ki i ji tu konaŋ bataa beeni ntiŋ fan.