Popular Bible Verses from APOCALIPSIS 4

Share

“Jay Kaawa bix Kdiosa, at nim toclena tuꞌn tjaw nimset tbiy, bix tuꞌn tkꞌoj nimbil tey, bix tuꞌn tkbaj cyuꞌn xjal at cykil tipemala, cuma jay e binchante cykilca, bix cuma nuk tuꞌnj tajbila at cykilca bix e cub tbinchaꞌna,” tz̈i ke tij.

Kej cyaja wik lu, teeylex juun toquele wukak t-xiicyꞌ, bix at nim tbakꞌ cywitz toc tiꞌjele tiꞌ cyxiicyꞌ bix tjakꞌ cyxiicyꞌ. Bix cykil kꞌij bix cykil koniyan nchi bitzen cyjulu: “Xjante, xjante, xjante Kman Dios tuya cykil tipemal. At ootxa, bix at jaꞌlewe, bix tzul,” tz̈ike.

Tbajlenxitltzen tkbaꞌn Kaaw jlu, oc ncyeꞌyena, bix e wila jun ttzi jaaꞌ otk tjket tuj cyaꞌj. Bix e xiꞌ nbiꞌna juntl maj tkꞌajkꞌajel tyol cyiwxix jxjal otk kꞌajt nejl bix tisen jun xux tkꞌajkꞌajel tyol. Bix e tzaj tkbaꞌn weya: —Tjatza tzalu tuj cyaꞌj, bix cxeꞌl nyeecꞌana tey ti pjel laꞌ alcye jun kꞌij―tz̈i Kaaw weya.